Den e ultimo dianan aki Aruba ta hopi bao di stof esaki tin di haber cu dos tipo di stof. Manera ta conoci caba e stof di Sahara ta conoci cu den e temporada nan aki e ta lanta y nos aki na Aruba ta sinti esaki tambe. E stof di Sahara ta pasa den cuminsamento di aña un rato entre fin di februari pa maart y despues por haña esaki entre luna di april pa mei , asina e stof di Sahara ta keda bay bin y mas of menos den luna di november Aruba ta haya un alivio di dje.
Loke cu e stof aki tambe ta trece cu ne ta e micro organismo unda cu e ta stroba e bista pa automobilistanan, pero tin algun persona ta haya nan mes cu problema cu nan wowo ta erita of tambe ta haya un tipo di griep indesea.
Tambe tin personanan ta sinti infeccion den canalnan respiratorio. Mester bisa cu e stof di Sahara por trece hopi cos cu ne, pesey ta importante cu na momento cu ta den aire pafo y cu bo yega cas baña y refresca e curpa pa asina no bay cu tipo di enfermedadnan cu por pega otro nan na cas.
Di otro banda e stof di Sahara cu tambe ta yega den e partinan cu ciudadanonan ta planta y cu ta yuda den e parti aki tambe. E otro parti di e stof cu Aruba ta haya ta e stof di nos mes cu nos conoce cu na momento cu biento ta fuerte. Segun hefe di meteo Aruba David Barkmeyer den e temporada aki biento tin momentonan cu ta basta activo y duro mirando cu Aruba no tin hopi mata pa wanta e stof esaki tin su efectonan.
Den e ultimo tres siman nan Aruba tabatin un biento basta fuerte, pero cu ya caba a cuminsa baha y e temporada di calor ta drentando. Biento ta un di e factornan cu ta yuda fria e ambiente, na momento cu e biento baha mesora ta sinti manera e presion di e calor. Den tur momento higiena di curpa ta sumamente importante , pero tambe laba e filter nan di airco tur siman ta hopi importante pa e stof no pega den e airco y tog haci daño na salud.
1 comment
[…] Source link […]