Status aparte, autonomia. A duna aruba e oportunidad pa desaroya economicamente y bira un di paisnan cu entrada per capita mas halto den caribe y latino america. Unda e placa a keda cu awe nos ta un pais pober y cu famianan pober?

ORANJESTAD, Aruba

Tur politiconan di tur colornan politico a uni forza pa defende autonomia y Status Aparte cu segun nan a duna Aruba hopi prosperidad. Emocion ta mal cos y specialmente purba di traha ariba sentimento di pueblo. Si enberdad ta asina na dicon nos pais ta asina pober y cu famianan hopi pober.
Unda e placa a bai? Ken a coi e saco di placa y core bai cune,segun Henri Tevreden, kende a ripiti e palabranan aki hopi biaha den Staten? Malicia di coi placa y core bai cune ta mal maya,

Loke a keda di nos Status Aparte si ta politiconan miyonario cu pension di 30, 40, 50, 60, 70 y mas mil pa luna, mas overbruggingstoelage ariba miyon y miyon, despues di cada elecion. Ya cu 45 anja MInistronan y Parlamentarionan cu 50 anja tabata tin derecho ariba nan pension acumulativo miyonario, mas nan salario como Ministro o Parlamentario?
Politiconan a laga nos pais na un ruina total y segun nan trahando pa pueblo.

Esnan cu si a provecha di e Status Aparte cu Betico dfm a lucha pe, esta di ta los for di Antiyanan Hulandes, ta e partidonan awacati cu awe cu alma y curpa ta defende nos autonomia. MIEDO SIGUR PA HULANDA BIN CONTROLA NAN, TUMA E SACO DI PLACA Y CORE BAI CUNE.
Amigo y famia ta esnan cu mas a saca bentaha di nos autonomia.

Ora nos scirbi di esaki no ta nos ta bisa, pero ta e propio politiconan ta acusa otro di ta ladron y corupto. Cuanto caso cu a bin di e mes un politiconan di diferente partidonan tin na Openbare Ministerie. Hulanda ta culpable?

Pa tapa e mal maneho di 34 anja di Status Aparte, awor mester buska un culpabel y esey ta Hulanda. Nan ta kere cu pueblo ta bobo, pero ya pueblo a comprende bon cla e triki aki pa sali for di tur e casonan di mal maneho, corupcion y ladronicia cu a tuma lugar durante nos Stattus Aparte,

Ta berguensa cu den Parlamento proyectonan miyonario corupto a ser aproba pa tur stempelparlament awor y den pasado.Si bo tende nan papia nan no a kibra un koppie.

Pueblo su wowo a habri y no ta acepta mas pa politiconan sigui abusa di nos. Esnan cu ta luchando pa independencia dobla warda, ningun hende na Aruba ta desea pa perde nan pasaporte Hulandes.

Por ultimo bida di hende ta mas importante cu autonamia? Mas cu mil caso pa un pais di apenas 125 mil habitante.

Movimiento Futuro pa un Aruba nobo