Na St Paulus School na San Nicolas a tuma luga e marcha cultural. Esaki ta un marcha cu e muchanan a prepara pa presenta nan artenan cu nan a haci dedica na Himno y Bandera. Director di St. Paulus School Rendy Arends ta duna di conoce cu esaki ta di 4 aña cu ta organisa e marcha cultural. Despues di 6 siman di les tocante Pais Aruba e muchanan tabatin e tarea pa bay presenta riba caya tur loke cu nan a siña. Muchanan a expresa den forma di arte unda cu cada klas tabatin un tema sea ta di historia, tecnologia, indian, esakinan ta temanan di historia y musica di Aruba cu a keda expresa door di e muchanan di St. Paulus School cu a keda expresa den e marcha pa e publico presencia nan bunita trabao. E muchanan a gosa y baila riba e ritmo cultural.
