Awe riba diamars mainta manera tur dia habitantenan ta lanta mainta tempran pa asina nan yega trabao, pero pa hopi di e automobilistanan tabata un sorpresa cu nan por a admira un fontein nobo na St Cruz. Si mester mira bon e caminda a kibra y for di esaki ta sali awa fuerte di un tubo cu probablemente a kibra riba caminda net na e crusada prome cu yega Santa Rosa. Hopi automobilista a keda sorprendi con fuerte awa ta na momento cu e tubo a kibra y a kibra e asvalt y mustra su presencia unda cu varios auto cu a pasa a haya un banjo mainta tempran. Ta haci un yamada na e departamentonan concerni pa mira e situacion aki, mirando cu lo e ta bay ta un gasto extra cu a presenta riba presupuesto di DOW y Web.
