Sr. Vincent Storimans ta representante nobo y hefe di VNO na Aruba

Diamars ultimo a introduci Sr. Vincent Storimans como e representante suplente y hefe di Representacion di Hulanda na Aruba, (VNO) na La Quinta del Carmen durante e recepcion

Tambe tabata presente na e ocasion aki Minister President Evelyn Wever-Croes, Presidente di Parlamento di Aruba mr. Edgard Vrolijk, Minsiter Endy Croes, hefe di Departamentonan di Gobierno y demas invitadonan. Durante e anochi ameno aki, Sr. Storimans a inicia su discurso na Papiamento y despues a continua na Hulandes, unda cu el a enfatisa cu e ta cla pa contribui den e desaroyo entre Aruba y Hulanda. Sr. Storimans a studia derecho priva Europeo na Universidad di Amsterdam y a traha como diplomatico na Embahada Hulandes na Moscu, Beijing y Washington D.C., su ultimo funcion como consul general suplente na San Francisco. Na aña 2013 te 2015 a traha como secretario particular di Minister di Comercio y Cooperacion pa Desaroyo. Na mes momento a gradici Sr. David Abrahams cu pa durante varios aña a eherce e posicion aki.