Na centro di bario noord a tuma luga instalacion di miembro nobo di directiva di Sport Club United. Giovanny Croes ta miembro di directiva di Sport Club United y ta duna di conoce cu e miembro nobo nan a keda instala pa sigui crece e club.
Sport Club United a haya un presidente, tesorero y un secretario nobo. Giovanny mes a retira como tesorero pero lo keda duna su granito den e parti di futbol. For di basta tempo caba Sport Club United ta busca un manera pa desaroya mas y busca mas persona cu ta desea pa e club bay mas padilanti. Tres miembro cu ta forma parti di e club pa hopi aña desde jong Aruba lifida y despues cu a bira Sport Club United nan a retira pero awe nan tey bek, pero tambe tres nobo cu a drenta e club.
For di esaki di 9 miembro a bira 11 miembro activo y ta prepara pa a temporada nobo di futbol cu ta na caminda. E votacion pa e directiva nobo a tuma luga den un sfeer positivo cu meta pa hiba e club padilanti. Richard Peasch tabata pa varios aña presidente pero cu tambe a retira, pero cu lo keda yuda den directiva.
E presidente nobo di Sport Club United a keda Erick Tromp y tin tur confiansa cu lo hiba e club padilanti. Sport Club United a crece den e ultimo aña nan y e intencion ta pa sigui crece y bay padilanti, pa e motibo aki mes mester di mas hende pa yuda pa e club por sigui florece y traha hunto pa hiba e club padilanti, pero tambe nos muchanan cu ta gusta e deporte aki pa nan crece den dje tambe.
Oficialmente Sport Club United a lanta na 2014 pero tur e añanan prome cu 2014 tabata opera bao di Jong Aruba, pero 2 aña prome cu 2014 a haci e cambio y final di 2014 oficialmente ta Sport Club United oficialmente. Richard Peasch ta e prome presidente y Erick Tromp ta e di dos presidente di Sport Club United cu a keda eligi pa 2023.
