Speed Andrade den cuarentena pa cumpra pisca na Venezuela

ORANJESTAD,Aruba

Awe mainta Guarda Costa a guia un boto cu dos persona direccion di Barcadera. Personal di Duana, Guarda Costa y DVG a controla e boto na Barcadera.
Durante e control a haya pisca abordo cu a wordo cumpra for di piscadonan Venezolano y cu tabata destina pa mercado local.
DVG a tuma e piscanan den beslag pa controla si esakinan ta adecuado pa consume. E dos hombernan cu tabata den awa territorial di Venezuela tabatin contacto aya cu personanan pa compra di e piscanan. Pa e motibo aki DVG a dicidi cu e dos personanan aki mester keda 14 dia den cuarentena pa descarta e contagion cu coronavirus.
Recientemente Gobierno di Aruba a introduce e ley di calamidad pa combati COVID-19. E ley ta cataloga e prohibicion di entrada no regular di productonan via di lama algo cu mester controla. E ley aki ta drenta di inmediato na vigor y Guarda Costa ta bay actua a base di esaki. E ley di calamidad aki por haya riba e website di Gobierno di Aruba.STOP DI PLAME