Pa medio di e comunicado aki directiva di SPCOA kier a reitira cu e unico instancia autoriza pa tuma e decision pa cera John Wesley College ta directiva di e scol.
Nos kier clarifica y duna un tiki mas splicacion, pa motibo cu nos a ripara cu ta wordo specula den media tocante ken ta e instancia autoriza y tambe pakiko a dicidi pa sera John Wesley College.
Mester enfatisa cu e decision aki no tawata uno facil pa e directiva. Sinembargo directiva, despues di a analysa tur e hechonan , no por a hasi otro cu tuma e tristo decision pa sera John Wesley College.
Nos ta elabora riba e autorizacion di SPCOA y e hechonan cu a conduci na e decision aki bou.
Pakiko SPCOA ta e instancia autoriza (bevoegd gezag):
1 SPCOA como instituto di ensenanza ta un fundacion(stichting) como tal ta ricibi subsidio di Gobierno.
2 A base di e statuutnan di SPCOA e directiva tin e maneho di e fundacion y ta teniendo na cuenta e statuutnan aki , autoriza pa efectua tur e actonan di manejo y direccion, cual ta cai dentro di e proposito di fundashion.
E decishon di directiva ta basa riba investigacion valido y di confianza en cooperacion cu partidonan externo.
E investigacion tin tres componente:
1.Na promer luga a constata , investiga y documenta irregularidadnan cu e control di calidad di ensenanza manera ta ancra den e ley y maneho di SPCOA.
Como ehempel nos por menciona dos punto di atencion:
– E maneho di aceptacion na MAVO
– Derecho pa forma klasnan.
2. Na di dos lugar a investiga e cantidad di alumno na e scol. Manera por wak den e tabel aki, e cantidad di alumno a keda baha drasticamente desde di anja escolar
2016-2017 te cu awor:
Cantidad di alumnonan per 1 augustus:
2016- 2017: 227
2017-2018: 159
2018- 2019: 165
2019-2020: 125
2020-2021: 119
2021-2022: 111
2022-2023: 64.
3.Na di tres lugar a investiga e finanzias y posibilidadnan pa tene e scol habri cu a tiki alumnonan cu tin na scol.
Un instituto di ensenanza ta ricibi subsidio for di un normbedrag pa cada alumno y pa e cantidad di local di e edificio di skol. Pa mas cu 7 anja JWC tin un caida di cantidad di alumno. Subsidio ta worde calcula a base di e cantidad di alumno. Ademas, e derecho pa subsidio y formamento di klas ta ancra den ley, kiermeen no por desvia di esaki.
Desde anja escolar 2022-2023 John Wesley College mester opera sin un di vierde (4de) MAVO, pa motibo cu no tin suficiente alumno pa por firma un MAVO di 4 klas.
A base di e cifranan di e cantidad di alumno por haci un pronostico tambe pa e siguiente klasnan pa e anjanan venidero y bo por wak cu e scol ta keda cu e problema pa jena e klasnan.
Lastimamente mester a jega na e conclusion cu e no ta factibel pa tene un scol cu habri cu 64 alumno y mirando e pronostico pa e anjanan venidero e no ta razonabel tampoco pa mantene e scol habri.
E conclusion ta basa ariba e calculo di e subsidio cu SPCOA ta ricibi pa cada mucha y e gastonan cu ta necesario pa por duna un ensenanza di calidad. E subsidio cu skolnan ta ricibi no ta cubri tur e gastonan cu e skol pa e opera su skol. Banda di e subsidio e skolnan ta pidi un ouderbijdrage.
E ouderbijdrage ta necesario pa por paga o.a. salario di e werkster, gastonan di airco, schoolfonds actividadnan, etc.
Menos alumno ta nifica menos subsidio. Pero menos alumo no ta necesariamente ta nifica cu e gastonan ta bira hopi menos. Esaki ta conduci cu si a tene e scol habri, lo mester a hisa e ouderbijdrage na un suma cu no ta rasonabel.
Manera a menciona anteriormente, no tawata un decishon facil pa e derictiva y pa e Directora General, pero e tawata un decision necesario paso e cantidad limita di alumno lamentablemente, e no ta factibel pa financieramente pa tene un skol habri. Comunicado di prensa di directiva di SPCOA.
1 comment
[…] Source link […]