Poco poco caso di Polis Vos ta haya luz di dia. Te na e momentonan aki e polis Vos ta cera na KIA un caso unda cu autoridadnan local a detene e funcionario policial Vos pa diferente puntonan. Na momento cu a bay haci e detencion na cas di e polis Vos , na e cas a bin haya mas sorpresa den nan scochi.
E prome motibo cu a bay pa detene e polis Vos ta pa traficacion di hende , unda cu a haci un inval den e cas pa busca pruebanan sinembargo un caso di traficacion di hende a bira tambe un caso di Laptop cu portofon di polis pega na dje cu ta saca señal di polis pa 24ora.com. Tambe ta papia di arma cu a haya na e cas.
Polis Vos a keda deteni dia 20 di maart 2023, ayera 30 di October 2023 propietario di MAS noticia a presenta dilanti hues comisario, y awe 31 di October 2023 periodistanan sospechoso Brian Koolman di 24 ora.com y Nelson Speed Andrade mester a presente dilanti di Hues Commisario. Sinembargo e hoben Brian Koolman su so a presenta den corte como sospechoso.
Nelson Speed Andrade sabiendo cu e mester presenta dilanti di corte como sospechoso den caso di polis Vos a dicidi di no presenta dilanti corte y a bula bay Hulanda pa sigui indoctrina y mal informa comunidad manera 24ora ta conoci.
Hues comisario a interoga y lo sigui interoga e periodistanan sospechoso den caso di polis Vos unda cu e presuto piratiamento di señal di polis. Na cas di Vos a haya 1 laptop cu ta pertenece na Brian Koolman, awor e hoben aki cu tabatin un futuro su dilanti mal influencia door di e mal influencia di 24ora.com Nelson Speed Andrade , Brian lo mester duna cuenta di su laptop cu a keda encontra na cas di Polis vos pega na un radio di polis pa asina soborna e senal di polis y manda e señal pa 24ora.com.
Sinembargo aunke cu Nelson Speed Andrade no ta na Aruba otro siman cu e ta na Aruba lo e haya su yamada pa asina presenta dilanti corte como sospechoso di soborno di Radio di polis.
Sinembargo mester bisa si no ta prome polis cu Nelson Speed Andrade y 24 ora.com a hinca den problema, den pasado diferente casonan a bin padilanti unda cu hasta polisnan a perde nan trabao door di Nelson Speed Andrade su manipulacion.
Banda di e dos BIG Fishnan putri di 24 ora tambe tin otro periodistanan tambe cu mester bin padilanti, specialmente esunnan cu ta atende cu suceso riba caya.
Tur e periodistanan ta sospechoso den e caso di Vos , awor e fase cu e caso ta cu nan lo mester duna declaracion na hues comisario y e investigacion den nan contra lo continua y na momento cu fiscal bay cu e caso dilanti hues , e periodistanan sospechoso tambe lo mester bay dilanti hues pa haya nan sentencia. E caso di Radio di polis ta caso di soborno uno cu ta ricibi y uno cu ta duna.