Awe un biaha mas funcionarionan di Landsrecherche a subi caya pa detene personanan sospecha di iregularidad den caso Avestruz.
Despues di detencion di Rebecca Richardson, Leoncita Arends y Jeff Franken, awe dialuna a aresta dos persona mas.
Ta trata aki di Ninosca Nuñez y su esposo Gaby Werleman.
Nan ta wordo sospecha di tabata envolvi den e transaccion di tereno cu un of mas di e prome sospechosonan menciona a haya for di gobierno. Ta papia aki di un suma di riba 3 miyon florin di comision.
E detencionnan a tuma luga den oranan trempan di mainta y cu esaki a bira en total seis persona deteni.
Ninosca tabata deteni relaciona cu caso IBiS den cual e sospechoso principal di soborno tabata ex minister Paul Croes.
OM
OM a saca un declaracion cu ta bisa lo siguiente: Landsrecherche a detene dos persona awe mainta den cuadro di e investigacion Avestrus di posibel delitonan di corupcion y otro hechonan castigable relaciona cu dunamento di terenonan di gobierno. Ta trata di e homber G.W. y e muher N.N.Avestrus ta dirigi su mes particularmente riba e pregunta si un of mas compania a wordo otorga incorectamente (un opcion riba) derecho di erfpacht riba terenonan di pais Aruba den e añanan 2009 te 2017.