Durante klousura di luna di turismo, Tourism Corporation Bonaire (TCB) a duna rekonosementu na dos wéspet prosedente di Alemania komo embahador di Boneiru. Ta trata akí di Sonja Kulkens i Sara Bienentren. Nan ta bishitando Boneiru pa 10 aña konsekutivo.
Sara i Sonja a trese dilanti den kòmbersashon ku Helen Mercera di TCB ku nan ta enkantá ku nos isla Boneiru. “Nos gusta tur kos ku e isla akí tin pa ofrese. Hende amabel, naturalesa enkantador, e fabuloso mundo marino, den un frase: nos ta enamorá di Boneiru!”
Na e okashon akí Helen Mercera a otorgá nan un feneta di bròns i tambe un sertifikado.
