Cristo Hesus ta e caminda e berdad y e bida,ningun hende por yega serca e Tata sino ta pa medio di
dj’E.
Nos salbacion y bida eterna no ta manera ora bo ta viaha bay un pais, y tur sorto di avion of barco por
hiba bo di e linea of compania cu abo ta desea.
Aki nan ta un standard tin y un caminda tin cual ta esun stipula pa Dios, pasobra hopi gañado a sali cu
caminda falso cu ta hiba hende na perdicion, pero Cristo Hesus ta e unico caminda berdadero.
E palabra Dios ta declara e plan di salbacion pa mundo henter: Pasobra Dios a stima e mundo asina
tanto,cu E a duna su Yiu unigenito pa ken cu kere den dj’E no bay perdi, ma tin bida eterno. ( Juan
3:16).
Esey ta pa confirma na henter mundo cu solamente den Cristo tin salbacion.
Tin hopi cu ta pretende di ta Dios, pero keto bay nan ta drumi den nan graf, te awe ningun di nan a
lanta , solamente Cristo Hesus a lanta for di morto y ta sinta na man drechi di e Tata.
Na momento cu un hende no kier reconoce Dios, awe y kier biba manera e kier, gañando su mes y tur
otro cu ta hunto cune, ta bay yega e momento cu e tin di reconoce sea pa bida eterno den cielo, of pa
morto eterno den fierno , pasobra e palabra di Dios ta bisa , cu tur rudia mester dobla y tur lenga
mester confesa cu Cristo Hesus ta Señor pa Gloria di Dios Tata.
Locual hende ta rechasa awe , mayan lo bira nan necesidad, pasobra e ladron a bini pa horta mata y
destrui, Cristo a bini pa duna bida, y bida na abundancia.
E tata di mentira cual ta e diabel, ta busca tur manera pa gaña hende , pasobra e ta odia humanidad,
pasobra tur esnan arepenti,reconoce y acepta Cristo Hesus como nan Señor y Salbador,y biba segun Su
palabra y perservera y permanece den Su boluntad lo no conoce fierno.
Juan capitulo 3:35-36 ta para scirbi: E Tata a stima e Yiu y a entrega tur cos den Su man. Esun cu kere
den e Yiu tin bida eterno,ma esun cu no obedece e Yiu lo no mira bida, ma e furia di Dios ta keda riba
dje.
Den esaki tur hende mester compronde cu nos mester di Cristo Hesus si nos kier yega serca e Tata. No
tin otro porta, no tin otro promesa, no tin otro condicion , solamente Cristo Hesus ta e solucion.
Ningun hende ta jong of bieu pa yega serca Señor e palabra di Dios ta bisa:Bin serca Mi tur cu ta
cansa y carga y lo Mi duna boso sosiego.
Ta Señor Hesus ta e unico cu ta y por ofrece salbacion, ningun hende, ningun religion, of organisacion
por ofrece salbacion,placa y material, ciencia y technologia no por duna nos e contacto cu Dios pa nos
salbacion, solamente Cristo Hesus por hacie.
Hesus a bisa:, Ami ta e lus di mundo, esun cu sigi Mi,lo no cana den scuridad, ma lo tin e lus di bida.
Hesus a bisa: Ami ta e mata di wijndruif, boso ta e ramanan,esun cu keda den Mi,y Ami den dje, esey
lo duna hopi fruta , pasobra separa di Mi boso no por haci nada.
E palabra di Dios ta fiel y berdadero, e ta nos unico refugio. si boso scucha su bos awe no haci boso
curason duro.
Sinceramente, Pastor Marcel Balootje.
