Loke ta pasando na e momentonan aki na e compania Daltra, dilanti dump, cu ta na candela ta algo sumamente peligroso.
Lamentablemente mas cu dos ora despues di inicio di e candela aki, ningun autoridad oficial no a bini dilanti pa mustra riba e situacion peligroso y duna conseho na e ciudadanonan aki. Aunke cu ta trata di un negoshi priva, ta na su luga pa Prome Minister / Minister di Medio Ambiente bini y duna e consehonan necesario na e barionan mas cerca cu ta esnan mas afecta.
E candela na e base di Daltra cu tin hero bieu, principalmente restonan di auto. E tin basta ora caba na candela y e tipo di candelanan aki ta saca materialnan toxico cu ta cay bek riba tur esnan cu ta den bisindario. P’esey ta masha importante pa tur hende keda mas leu posibel.
Mester evacua e casnan den e area. Segun por a compronde, a manda pidi tur Bombero a bin duna un man. Bo salud ta importante , mas leu bo keda di e situacion ta miho pa bo salud. Foto Aruba Drone
Situacion peligroso na Parkietenbos y niun autoridad a bin dilanti
