For di basta tempo caba a traha un plan y un maneho pa adictonan ambulante, prinsipalmente esnan cu ta cana den caya prinsipal unda cu tin turista y mucha ta frecuenta. Pero e pregunta ta keda a evalua si e plan di maneho ta traha ?
Ketobay tin adictonan ambulante den centro di cuidad cu no ta mustra un bon y bunita cara pa Aruba. Aki por mira un di e conocidonan adicto ambulante drumi den playa pa ta exacto banda di Daimond International cu ta na e salida di waf di e barconan crucero.
ATA y APA ta traha duro pa trece turista na Aruba, Pero e imagen aki ta papia diferente na loke nos kier pa Aruba.
Ta spera cu departamentonan y instancianan conserni actua y no solamente manda polis pa kita e adicto ambulante for di e sitio, pa soluciona e problema un momento, Pero pa realmente tuma un accion pa asina nos garantisa tur bishitante y esnan cu ta biba na Aruba un dushi Aruba.
