Un persona narcista ta un persona cu problema mental y e mester haya tratamento y guia pa esaki. Hopi biaha e ta menasa hende y ta pone un presion riba e persona pa e no conta otro hende nada. Narcista ta un persona cu ta gusta pone miedo den otro hende pa e haya poder riba dje. Hopi di e escenario nan aki ta pasa den casnan y personanan di afo no ta mira esaki. Pero e ta sosode den amistadnan tambe.
Sinembargo den cas ta un turbulencia y pafo nan ta un famia perfecto. E situacion no ta dushi y e no ta bon pa e persona cu tin cu pasa den e proceso aki. Segun Rubiella Toppenberg di FADA biba cu un persona narcista ta hopi traumatico y e unico manera pa por yega na un solucion ta pa busca informacion. Actualmente tin un fundacion cu ta contra violencia racional unda cu ta brinda hopi informacion riba con pa atende y deal cu personanan narcista.
Ta importante pa anota e señalnan y busca informacion pa por yuda bo mes den cualkier di e casonan. Esunnan cu ta victima di un narcista no ta di awe pa mañan ta pasa door di dje y sigui su bida, pero e tin un proceso pa cana.
Sinembargo e fundacion ta brinda e ayudo unda cu stap pa stap por yuda e victima sali di e situacion ey. Segun profesional Social Rubiella Toppenberg e proceso no ta facil, pero e no ta imposibel tampoco.
