Durante luna di sèptèmber, sinku bishitante ta keda
honrá komo embahador di Boneiru. Ta trata aki di Luis Pabon ku a risibí su di dos
rekonosementu, e biaha akí pa su di 15 aña di bishita na Boneiru. Ya e ta un embahador
kaba den e kategoria di bròns i awor ta risibí esaki den kategoria di plata.
Roger Eston i Judy Adams tambe a risibí nan rekonosementu pa ta bishitando Boneiru
pa 11 aña i a risibí nan feneta di bròns pa e okashon akí.
Den kategoria di oro a duna honor na Kathleen i Russel Barnes ku ta bishitando Boneiru
pa 21 i 22 aña respektivamente.
Tabata Helen Mercera ku a ofisialisá e seremonianan i tambe hasi entrega di e
sertifikadonan i fenetanan korespondiente na nos embahadornan.
TCB por mira bèk riba un programa eksitoso pa nos wéspetnan ku ta skohe Boneiru komo
nan destinashon di vakansi i ta sigui promové e programa di Embahador di Boneiru serka
nan famia-, amigu-i konosínan.
