.
Presidente di sindicato APRI Cherell Remilia den careda di 3 pa 4 luna pasa a toca e tema riba mesa cu nan como sindicato ta dispuesto pa sinta na mesa cu e proximo operador di e refineria na Corsou. Ambos partido ta diacuerdo pa topa otro y ta spera cu na momento cu caba di firma of prome cu e firmamento mes e sindicato por haya oportunidad pa sinta na mesa y cuminsa tira un bista con lo cuminsa reculta e condicionnan laboral pa esunnan cu lo bay drenta aproximadamente pa haya trabao riba e refineria di Corsou.
Segun Presidente di sindicato APRI Cherell Remilia ya caba nan como sindicato tin un idea caba di kico lo trece riba mesa y no ta haya na e momentonan aki pa divulga loke cu tin den mente pa bin cu ne na e momentonan aki den prensa sin cu sinta prome na mesa.
Lo trata pa logra pa mas yiu di tera haya trabao pa drenta den e compaña si. Aunke tin hopi hende cu a bandona Corsou tempo refineria a cera, pero cu nan experiencia di trabao practicamente lo ta bay tin mester di nan bek, pero mester keda realistico mirando cu no ta facil dies pa yama un persona cu ya caba kisas lo a establece su mes caba cualkier otro parti di mundo cu nan experticio cu nan tin hunto cu nan famia.
Si ta desea e experticionan aki di e yiunan di Corsou cu ya caba ta den exterior y pa nan bolbe bek Corsou logica ta bisa cu nan lo mester haya un oferta bon pa nan por bolbe bek Corsou hunto cu nan famia.
Segun Presidente di sindicato APRI Cherell Remilia esaki ta puntonan cu mester tene bon cuenta cu ne na momento cu ta bay haci un yamada na esunnan cu a bandona Corsou na momento cu refineria e cera y a haya trabao den exterior pa nan por a sigui mantene nan famia
