Despues di un reunion cortico na SIMAR, maestronan a tuma e decision di dos evento importante pa demostra nan malcontento pa cu e 12.6% cu tal kita for di nan pa mas cu un aña. No ta acepta esaki mas, Josephime ALbertus, presidente di sindicato SIMAR a bisa pafo di e sede.
Maneho di Gobierno no tal pa gaba y esaki ta momento pa cuminsa hiba e informacion afo pa e comunidad. Como educado nos mester duna bon informacion pa trece claridad. “Pa ora nos tuma accion, nan compronde e pakico di e acción,” Albertus a bisa.”Nos ta transparente y nos ta bini cu hecho pa ora nos bay e siguiente nivel, e hendenan sa pakico.”
Awe a dicidi cu dia 24 awor tin un reunión masal na Compleho Deportivo Frans Figaroa pa 5’or di atardi cu demás sindicatonan y e siguiente dia pa 5’or di atardi lo tin un manifestación masal. Pa esaki tal invita pueblo pa uni cu nan den e manifestación aki.
Na John F. Kennedy Education Centre diferente miembro di Conseho di Minister tabata presente. Prome Minister a bisa na final cu si e sindicatonan kier, nan por laga nan expertinan analisa e sitiuacion pero cu pa awo no tin otro solución. “Accion awo lo no yuda,” e mandatario a bisa.
Sinembargo Minister di Enseyansa Endy Croes tambe a yega e reunion y a hiba palabra y ta duna di conoce cu e ta comparti e lucha di cualkier sindicato. “Nos ta scucha nan preocupacionnan y tal tuma e miho decision pa Aruba,” e mandatario a bisa pafo di SIMAR.
El a splica cu el a topa tres biaha cu sindicato SIMAR, cual encuentro a bay den bon ambiente. A papia di diez punto di cual diferente a wordo soluciona. EL a sigura cu e ta para banda di nan den e lucha, pero tin un interes general tambe cu mester sirbi.
A dicidi di acudi na e reunion di SIMAR pa saluda e docentenan y splica cu nan preocupacion tin nan atencion. Y e kier keda na mesa cu e sindicato.
El a bisa tambe cu a pidi Hulanda pa na 2022 duna 50% bek na e trahadonan y e siguiente aña e resto. Dia 26 di november, despues di Conseho di Minister di Reino, lo haya un contesta. “Nos ta sigui cu nan den e lucha.”
