E Siman di Periodismo na islanan BES, ku tabata posponé den yüni, lo tuma lugá 16 pa 22 di ougùstùs próksimo. Ku un programa yen di aktividat pa públiko i prensa, hinter e siman lo ta den kuadro di importansia di media den funshonamentu di demokrasia.
E siman lo kuminsá djamars 16 di ougùstùs ku e presentashon di investigadó di media, Renske Pin, ku lo presentá resultado di e investigashon Media Workers Survey BES ku a ehekutá aña pasá dor di RE-Quest i e rekomendashonnan basá riba esaki i ku a presentá na vários partido di interes, inkluso
prensa.
Riba djaweps 18 di ougùstùs di 19.-21or.30 na Plaza Hotel un Anochi di Doku & Debate. Despues di un dokumental kòrtiku, e panelistanan lo debatí ku públiko riba e importansia di periodismo den nos sosiedat nan chiki. Públiko na Statia i Saba por sigui e aktividatnan online.
Di 19 pa 22 di ougùstùs, lo tuma lugá,e Media Pressure Cooker Marathon BES. Den e Media Pressure Cooker Marathon loreta periodistanan i talentonan periodístiko hóben pa hasi un análisis di importansia di periodismo na Boneiru, Sint Eustatius i Sabai pa publiká un edishon spesial di Caribbean Kids News tokante nan resultadonan. Na fin dje aña, un workshop di Jeroen Pauw ta enfoká riba téknika nan di entrevista.
E evento akí lo dura tres dia i lo tin seshonnan di trabou, transmishonnan bibu i trainingnan ta guiá pa dosentenan manera Glenn Thodé, Sulin Passial i Kees Broere, di nos islanan ruman ku parsialmente tambe a partisipána Unesco Media Development Programme Curaçao and Aruba (Unesco su Programa di Desaroyo di Media pa Kòrsou i Aruba). Riba djaluna 22 di ougùstùs, despues di un wikènt di produkshon, e partisipantenan lo lansa nan publikashon online pa públiko general.
Meta di Siman di Periodismo na islanan BESta pa duna un aporte pa fortifiká periodismo na islanan BES ku edukashon i un produkto tangibel, dor di atkerí konosementu den e panorama di media, stimulá kolaborashon i oumentá sabiduria di media serka públiko.
Por registrá pa e diferente aktividatnan via www.facebook.com/MDPBonaireStatiaSaba