Siklo patriotismo pa kuida patria korsou

Akademia Popular Errol Scoop”/APES, e ala di formashon emansipatorio di “Movementu Kousa Promé”, ta partisipá na pueblo di Kòrsou ku, konsiderando 2021 komo Aña di Patriotismo na Kòrsou, APES ta bai ranka sali ku su di 15 siklo di formashon emansipatorio titulá: “Patriotismo, un wes’i lomba pa e yu di Kòrsou Nobo”. 

 

Inisio di e Siklo ta 30 di ougústús i e lo dura te 13 di novèmber 2021. 

E siklo tin komo meta:

• Krea amor pa Kòrsou i fortifiká e sentido di pertenensia serka tur yu di Kòrsou. Animá tur esnan ku tin vokashon, boluntat, stimashon, pashon i amor pa Kòrsou pa nan uni i sigui traha pa fortifiká e lucha pa un yu di Kòrsou nobo ku orguyo i konfiansa propio.

 

Un invitashon spesial ta bai na: maestronan di skol, lidernan di “scouting”, guianan turístiko, hóbennan, periodistanan, sobra miembro di prensa, sirbidónan públiko, agentenan di kambio i polítikonan di Kòrsou. Fuera di e gruponan aki pueblo en general ta bonbiní.

 

E siklo ta konsistí di:

• • 11 lès teorétiko
  • 2 lès mobil (ekskurshon kultural diferente riba 2 djadumingu)

• 1 lès práktiko

Lès ta tuma lugá tur djaluna di 18.30 pa 21.00’or na Sentro di Bario Sta. Maria.

Inskripshon ta kosta FL. 35,- Gastu pa ekskurshon ta apart.

Lèsnan ta grátis. 

 

Por inskribí serka sra. Indira Boelbaai na telefon # 667.21.78, òf sr. Gilbert Bishop na telefon # 513.80.50. 

Durante e lèsnan lo tene kuenta ku tur regla stipulá pa outoridatnan relashoná ku covid-19.

 

Roster di tema i dosentenan enkargá ta lo siguiente:

30 di ougùstùs: sr. René Vicente Rosalia 

• Splikashon di e konseptonan: patria, patrimonio i patriotismo 

 

06 di sèptèmber: sra. Indira Boelbaai (dosente) 

• Patriotismo i enseñansa

 

13 di sèptèmber: sra. Jeanet Pablo (spesialista di bario)

• Patriotismo i maneho di bario

 

20 di sèptèmber: sr. Trevor Bakhuis (dosente)

• Patriotismo i konosementu di historia

 

26 di sèptèmber: sr. Eurlyson Naar (guia pariótiko)

• Ekskurshon patriótiko na Sta. Martha i Soto

 

27 di sèptèmber: sr. Glenn Thomas (presentadó di televishon)

• Patriotismo na radio, tv, den prensa i medionan sosial

 

06 di óktober: (djárason!!)sr. Max Elstak (dosente)

• Poder kolonial represivo versus lidernan patriótiko nivel internashonal

 

1. di óktober: sr. Marlon Regales (aktivista emansipativo]

• Erue i baluarte di Kòrsou i nan kontribushon i influensia patriótiko

 

17 di óktober: sr. Henry Moen (dosente i artista)

• Rekorido musikal patriótiko den kurason di Otrabanda

 

18 di óktober: sr. Ernesto “Tico” Vos (dosente)

• Patriotismo i turismo na Kòrsou

 

25 di óktober: sr. Lloyd Narain (dosente)

• Patriotismo lo yuda salbaguardia effektividat di EOP?

 

01 di novèmber: sr. Hubert Scherptong (dosente)

• Kon yega na un maneho patriótiko di ekonomia 

 

08 novèmber 2021 Jeanne Henriquez (dosente)

• Presensia di patriotismo den revolushonnan grandi na mundu 

 

12 di novèmber 2021 Gruponan  

• Nochi di baluarte, homenahe na un gran baluarte yu di Kòrsou  Jeanne Henriquez, entrega di sertifikado, brindis