E Siklo “Emansipashon” di Akademia Popular Errol Scoop e ala di edukashon emansipatorio di Movementu Kousa Promé a ranka sali dia 25 di aprel último ku su promé lès riba e konsepto emansipashon. E dosente ku a habri e siklo tabata Prof. Dr. Rose Mary Allen. Un kantidat di 60 kursante a inskribí pa sigui e lèsnan na Sentro di bario Santa Maria. Interes pa e siklo ta hopi grandi Lèsnan ta tuma lugá tur djaluna anochi di 18.30 pa 21.00. Adishonalmente tin un grupo di interesado ku ta sigui e lèsnan virtual tur siman via di Morgan Online. E siklo ta konsistí di 10 lès i ta klousurá dia 26 di yüni 2022. Na final e kursistanan ta risibí un sertifikado di partisipashon ku éksito.
