Telefon pa Hubentud ta existi pa 23 aña na Aruba. Manera tur hende sa Telefon pa Hubentud ta haya yamada door di diferente hoben riba diferente topico manera termento, abuso, cacho nobo por bisa riba hopi topiconan cu e hoben kier papia di dje. Sinembargo un di e topiconan cu a cuminsa bini hopi padilanti ta e conexion cu nan mes un tata.
E hobennan tin deseo di tin mas conexion cu nan tata,wak nan tata mas. Mirando e deseo aki di e hobennan telefon pa Hubentud a traha un proyecto pa stimula e tatanan cu tin deseo tambe di kier ta den bida di nan yiu, pero yuda e tata copn e por haci e contacto aki mas bon.
Telefon pa Hubentud a haci un investigacion y a traha un proyecto pa stimula tatanan durante 10 diferente anochinan unda tatanan ta bini hunto y combersa riba nan pasado, dicon nan no por ta den bida di nan yiu, con nan por stimula comunicacion y kico ta e diferencia entre un bon tata y un bon pareha, segun trahado social di Telefon pa Hubentud tur esakinan tin di haber ken abo ta como Best DAD Ever.
Tur hende homber / tata por participa den e proyecto Best DAD Ever, aki tin diferente momento cu ta combersa cu e tata riba su traumanan y ta bay bek den su pasado den e di tres anochi e parehanan ta participa , sea ta pareha actual, ex pareha, pero mama di e yiu tambe por of mag participa. Banda di e proceso aki tin un dia cu e mucha ta participa den e proyecto Best DAD Ever.
Aunke cu e tata a divorcia y kier ta un bon tata esaki por , e mucha ta esun cu mester sa kico ta e situacion den bida real , esaki ta insera sea cu ta e trauma, con a deal cu lantamento di mama y tata prome pero tambe kico e pareha ta expect di e tata. Tambe tin tata nan cu no ta tata nan biologico di e mucha, pero nan tambe por participa pa nan ta un bon tata pa e mucha.
Sinembargo loke cu ta un realidad hende homber hopi biaha no ta papia facil y of no ta habri facil cu un hende muhe, principalmente su propio pareha. Den e proyecto di Best DAD Evert ta asina bon hinca den otro y ta specialmente pa un hende homber / tata cu kier participa. Y bira un miho version di dje mes.