Shurman Milliard Trahado Social na Telefon pa Hubentud: Di ta un mal pareha no ta significa cu e ta un mal tata

Telefon pa Hubentud ta activa, stimula y yuda e tatanan cu kier bira un miho tata. Na momento cu e tata bisa cu e tin e deseo di participa lo tin un grupo di maximal 8 tata cu Telefon pa Hubentud lo bay traha cu ne.

Ta scoge pa hacie den un seno hopi chikito pa asina por dedica na cada tata y duna oportunidad na e tata pa por papia y expresa su mes. Hopi biaha e hende homber den un bar e ta papia di un hende muhe , auto , sport of trabao y no ta haya e oportunidad di combersa riba otro puntonan cu ta nan mes. Tatanan hopi biaha no ta combersa cu nan propio famia  y hopi biaha nan no sa di otro. Tin hopi puntonan y topiconan cu nan no ta expresa y nan ta keda keto y asina ta keda bay cu ta pasa añanan y dado momento esaki por  bira un tikking bom cu por explota despues di tempo.

Nos ta un Isla den Caribe y rond di nos tin diferente islanan den caribe y cada un di e nacionalidadnan ey tin nan diferente maneranan cu tata nan ta pensa y kico kiermen di ta un bon tata pa bo yiu. Shurman Milliard di Telefon pa Hubentud ta duna di conoce cu kico ta un bon of un mal tata of kico e tata por haci mas pa ta un miho tata hopi biaha ta otro hende ta duna nan opinion.

Sinembargo un mal pareha no ta significa cu e ta un mal tata pa su yiunan. Den e proyecto aki lo traha cu e tata y lo stimula e tata den loke nan mes ta desea di ta y haci. Telefon pa Hubentud ta traha cu e tatanan pa desaroya e capacidad di e tata cu e sa y TPH ta duna como ehempel nan manera traha un bon comunicacion cu bo yiu, ta presente, ora ta pone straf wak bon con ta pone, implementa norma y balor di cas. Tur esaki ta palabra y e homber / tata cu ta participa ta duna e imput den su bida pa asina e por bira e tata mas bon cu e mes kier ta.

E proyecto di Best DAD Ever a keda haci pa 14 biaha caba na Aruba, 2x na Saba y na St Eustatius tambe a duna e pakete di informacion pa e fundacion na Statia haci uzo di dje. Pa e aña aki Telefon pa Hubentud a haci e proyecto tres biaha caba , awor tin dos oportunidad mas pa haci esaki prome cu aña caba. Mester corda cu ta solamente 8 tata por participa, dus esunnan cu ta interesa mester inscribi na tempo pa asina por ta den e grupo.