St. Maarten Hospitality & Trade Association (SHTA) y St. Maarten Tourism Bureau (STB) ta felicita COPA Airlines cu reinicio di nan vuelonan pa Sint Maarten. COPA Airlines a cuminsa bek cu nan vuelonan seminal riba diabierna, 20 di November, pero lo aumenta frecuencia durante e di dos siman di December na cuatro biaha pa siman.
Prome cu e regreso di COPA, SHTA y STB a organisa un evento di mercadeo virtual, cu 234 agencia di biahe participando for di e region di Sur America. E Webinar a prove un bista riba e recuperacion turistico di e isla, como tambe e protocolnan di salud introduci pa esnan cu kier biaha pa Sint Maarten. Agentenan di biahe a haci nan preguntanan en vivo online, na un panel di SHTA y STB.
E evento ta e di dos den un serie unda cu partnernan di turismo di Sint Maarten ta colabora cu arolineanan pa stimula recuperacion di turismo.
“Mi ta reconoce e esfuersonan di STB y tur stakeholder envolvi cu a tuma un rol active den sigura cu nos cantidad di asientonan ta sigui subi. Gobiernonan rond mundo ta sigui deal cu e realidad di COVID-19 y un Sint Maarten sigur ta keda nos meta p’asina e economia por bolbe na e nivel prome cu e pandemia,” Minister Ludmila de Weever a bisa.
Pa e evento a crea atraccionnan nobo manera reportahe en vivo for di Mullet Bay Beach y Concordia Monumento, creando un experiencia interactivo y dinamico pa e participantenan.
St. Maarten Tourism Bureau den colaboracion cu Sonesta Maho Beach Resort, Copa Brazil y InterAmerican tambe a tene un St. Maarten virtual FAM trip dia 19 di November, 2020. E famrip aki ta un Webinar unda ta presenta actividad y servicionan na opradornan di tour internacional, presenta den Portugues na mas cu 100 participante, di en total 4 operador di tour.
