Shinishi na frenta ta señal di destruccion di picanan cometi

Diaranson di shinishi tal marca e inicio di Cuaresma, un periodo di 40 dia te cu bispo di Diadomingo di Resureccion.

Diaranson di shinishi ta e celebracion liturgico, den cual e fielnan ta haci un dia di ayuno, abstinencia, oracion y confesion. E aña’ki el a cay riba 22 di februari y desde e fecha aki ta cuminsa e calender liturgico catolico.
Mescos cu tur aña e Diaranson di Shinishi ta marca inicio di Cuaresma, un periodo di 40 dia te cu bispo di Diadomingo di Resureccion, den cual cristiannan ta realisa periodonan di ayuno y penitencia den memoria di loke Hesus a biba of pasa aden.
Kico e shinishi ta nifica
E shinishi ta wordo poni na frenta di fielnan, den forma di señal di cruz. E shinishi ta representa tambe e destruccion di erornan di e anterior, y ta wordo kima di e forma aki.

E shinishi ta wordo traha di ramanan di oleifi kima, di e Diadomingo di Rama di e aña anterior, y cu despues ta wordo bendiciona. E ta wordo poni riba frenta di e fielnan, poniendo seña; di cruz. E shinishi ta representa tambe e destruccion di erornan cometi den e aña anteror, y nan ta wordo kima di e forma aki.
Cual ta origen di Diaranson di Shinishi.

E Diaranson di Shinishi cu ta e prome dia di Cuaresma den e calendario liturgico catolico, y ta wordo celebra tanto den cristianismo occidental como oriental.
Su origen ta data di siglo IV y a haya importante den siglonanVI y VII, ora cu a cuminsa e ayuno como practica di cuaresma. Esaki no por a tuma luga riba e diadomingonan debi cu ta papia aki di un dia festivo, pa cual a move esaki pa e diaranson prome.

Di shinishi bo ta y shinishi bo ta keda. Converti bo mes y kere den evangelio. E frasenan aki, pronuncia door di pastoornan mientras cu nan ta pinta e shinishi den señal di cruz riba frenta di e fielnan, ta representa tur e diaransonnan di shinishi: e inicio di Cuaresma (e 40 dianan den cual e catoliconan ta prepara pa e pasion, morto y resureccion di Hesus). Cada aña, Diaranson di Shinishi por wordo mira caya cu miles di catoliconan cu e señal aki riba nan cara.
Esaki ta e fechanan special di Semana Santa:
2 di april, Diadomingo di Rama
9 di april, Diadomingo di Resureccion

Mescos cu mayoria di e tradicionnan di Iglesia Catolico, su origen ta liga na Judaismo: en tempo di antes, nan tabatin como custumber pa cubri nan mes cu shinishi ora cu nan a comete un pica of si nan ta prepara nan mes pa un fiesta importante.

E tabata e simbolo di e persona su deseo di converti di su mal bida pa un bida cu Dios. Iglesia Catp;ocp a tuma e practica aki y, na inicio, solamente esnan cu a haci nan penitencia publicamente tabata ricibi e shinishi.