Polis y Aduana a detene 7 sospechoso despues cu nan a gara 1436 kilo di cocaina den un container den waf di Roterdam. Autoridadnan di Hulanda a haya un tips y nan a bay actua riba esaki y a detene tur e 7 hendenan riba tereno di waf, asina e portal Hulandes Dagblad010 a redacta . E cocaine a ser haya den un container door di aduana.
E sospechoso probablemente a uza un swichmethode pa por a hinca e droga den e waf di Roterdam. Segun Ministerio Publico cu e metodo aki e droganan lo ta sali tambe di e mes un manera cu e mes un operacion for di e paisnan sospechoso na zuid America unda cu nan ta saca e droga hopi lihe.
Serca di e luga cu e sospechosonan a keda aresta tabatin un hotelcontainer cu tabatin matrasnan y slaapzaken y chargernan di telefon, cuminda y bebida pa un periodo largo. E container aki tabata un dia prome poni na waf di Roterdam.
E sosopechosonan ta hombernan di edad di 21 pa 26 aña di Roterdam , Capelle aan den Ijssel y Barendrecht. Awor nan ta sospechoso di importacion di substancianan di droga . Tur e 7 personanan aki a ser hiba dilanti di hues comisario y e decision a keda cu nan lo keda cera pa dos siman largo pa investigacion.
Investigacion a sigui y tambe e procedura pa deshaci di e 1436 kilo di cocaina a ser haci. E team di HARC –team lo sigui haci investigacion den e caso aki. HARC-Team ta consisti di aduane,FIOD, Polis maritimo di waf y ministerio publico di Rotterdam