Awe, djamars 27 di ougùstùs, Konseho Sosial Ekonómiko (SER) a presentá su konseho na presidente di Parlamento di Kòrsou tokante kambionanproponé pa medio di un inisiativa di lei den e ordenansa ku ta regulá asistensia sosial (ònderstant). E proposishon di inisiativa di lei, ku algun tempu pasá a ser entregá na SER pa konseho, ta enserá entre otro e posibilidat pa un persona ku ta risibí ònderstant por gana te NAf. 500 pa luna sin pèrdè su benefisionankomo kobradó di ònderstant.
Den su konseho, SER ta evaluá e kambionanproponédi unforma detayá. Un di e puntonan prinsipal den e diskushon ta e proposishon pa otorgá asistensia sosial outomátikamente si minister di Desaroyo Sosial, Labor i Bienestar (SOAW) no tuma un desishon den un tempu definí. SER ta enfatisá den su konseho e importansia di reglanan ku ta kla i kontundente, i tambe ta pone atenshon spesial riba posibel reperkushon legal i finansiero.
E kambionan ku ta ser proponé ta diseñá pa hasi e sistema di ònderstant mas fleksibel i aksesibel, pero e konseho di SER awor ta duna un bista mas amplio riba e impaktososioekonómiko, legal i di maneho ku e medidanan aki por tin riba e panorama di bienestar di e isla.
