Riba petishon di Minister di Finansa sr. mr. drs. Javier Silvania, Konseho Sosial i Ekonómiko (SER) a emití un konseho urgente ayera riba e proyekto pa ku un dekreto nashonal pa implemetá registro UBO na Kòrsou. E registro aki, ku ta unu krusial den e lucha kontra krímen finansiero i ekonómiko, tin komo meta oumentá transparensia dor di identifiká i registrá e doñonan (UBOs) -ku tin benifisio ekonómiko for entidatnan hurídiko i similar riba nos isla.
E konseho aki ta resultado di un desishon di Konseho di Ministernan di luna pasá, motivá parsialmente dor di e revishon ku lo ta bai tin di Caribbean Financial Action Task Force (CFATF) na yüni próksimo. E momentu pa asesorá e konseho aki ta unu krítiko, ya komo ku internashonalmente tin e urgensia i e nesesidat pa mehorá proseduranan ku prekoushon na Kòrsou.
E proposishon ta enfoká riba fasilitá outoridatnan kompetente, manera Ministerio Públiko, Banko Sentral di Kòrsou i Sint Maarten (CBCS), e Unidat di Inteligensia Finansiero di Kòrsou (FIU), i Inspektor di Impuesto, pa investigá labamentu di plaka i finansiamentu di terorismo di un manera efikas. E Registro UBO ta garantía pa un fundeshi alaves un ambiente di negoshi mas sigur i transparente, ku un enfoke balansá riba apertura i protekshon di privasidat. Kámara di Komersio i Industria (KvK) lo ta asigná pa manehá e registro, debí na su infrastruktura eksistente i ekspertisio ku e registro di komersio.
E implementashon di e registro UBO ta ser impulsá pa obligashonnan legal nashonal (manera por ehèmpel un kontrakt) tantu komo e nesesidat urgente pa kumpli ku rekomendashonnan di FATF. FATF, un organisashon intergubernamental líder den e lucha pa kombatí labamentu di plaka i finansiamentu di terorismo, ta eksigí ku su paisnan miembro, inkluso Reino Hulandes, inkorporé estriktamente den su normanan. Kòrsou, komo miembro di CFATF, tin e responsabilidat pa ku implementashon di e normanan internashonal aki. CFATF ta sigurá revishon ku regularidat pa garantisá efektividat i efisiensia di e sistema implementá, kaminda no kumpli ku esaki por tin konsekuensianan hurídiko signifikante.