Diasabra 19 december 2020, Stadionweg 7, a hana un awacero di areglo di flor, flornan digital, llamada di telefon,Whatsapp/Facebook messages, voicenotes, oracion, comments, likes, regaldo y asina tanto cos pa celebra e 95 cumpleanos di senora Iona Richardson Cannegieter.
Mama, ruman, wela, bisawela, suegra, tanta, prima, madrina, amiga, conocir, bisina y tur cu conoce Iona di un forma of otro. Vuida di Bruno Richardson (Bruno’s Tour), miembro di The Methodist Church of Aruba y Life Time Member di Woman’s Club of Aruba.
Esnan cu conoce Iona, mihor conoci como Grandma, Chimp & Auntie lo hane semper na su cas ta bezig cu algo, sea ordenano su cas, sinta riba su porch of cushina lesando su corant cu su coffee, den su camber ta wak television keeping track di tur noticia local/international y TBN, den cushina ta preparano algo manera bolo, pan, su special pumpin soup, coconut drop cookies, rice & peas y mucho mas.
Y esey no ta tur pasobra Iona ta enjoy lesa boeki tur dia, ta pelukera, cosedo di pana y sin lubida su hospitalidad pa hospeda of hasi un fiesta serca dje. Un gran babysitter pa su nieto(a)nan sin lubida su bisanietonan. Mundo a bira moderno cu technologia y Iona no a keda atras! Usando Whatsapp, Facebook, Instagram, Youtube, Email y Internet e ta enjoy ta up to date y den contact cu tur hende. Un gran dama cu un memoria impresionante y espectacular cu por contabo asina tanto cos!
Un dia hopi bendiciona y special pa Iona cu a enjoy su 95 aña hunto cu su bisanietonan. Masha danki na un y tur cu a hasi e dia aki asina bunita!
