Pa medio di un dekreto insular a designá Selibon NV komo e servisio pa rekohé shushi na Boneiru. Selibon NV ta enkargá ku rekolekshon, transbordo i prosesamentu di produktonan residual. Esaki no ta nifiká ku Selibon NV por ta e úniko servisio di rekohé shushi na nos isla. Otro partidonan por indiká ku nan ke rekohé sierto tiponan di shushi. Pa esaki nan tin ku pidi un pèrmit di rekolekshon di shushi. Mester evaluá e petishonnan pa un pèrmit di rekolekshon di shushi.
A disidí pa evaluá kada petishon pa un pèrmit di rekolekshon di shushi pa loke ta trata nan efisiensia. Esaki ta nifiká entre otro ku ta evaluá si e rekolekshon ta tuma lugá den un forma kontinuo. Tambe ta evaluá si e rekolekshon ta tuma lugá den un forma efektivo i efisiente. Banda di esei ta sinkronisá e kantidat di rekohedor ku oferta di e produktonan residual ku mester deshasí di dje. Ta evaluá tambe si supervishon efektivo ta posibel riba rekolekshon i prosesamentu di produktonan residual. Por último ta konta ku un persona ku hasi petishon mester entregá un VOG (Deklarashon Tokante Kondukta) ku no ta mas bieu ku tres luna. Esaki ta konta pa rekolekshon di tur tipo di shushi, entre otro shushi di kas, shushi gròf, shushi empresarial i kadaver di outo.