Ayera alrededor di 12or di mainta nos tabata tin Assistent coach juf. Jimena Borja y tambe headcoach mr. Veron Albertsz na aeropuerto unda a sa di duna mas informacion tocante selección di futbol damas cu a sali rumbo pa Belize y Turks and Caicos unda nan lo tin dos competencia rumbo pa W Gold Cup cu ta wordo organisa pa prome biaha door di concacaf.
Nan ta entusiasma pa participa den e dos competencia nan aki, unda uno tabata mester a pasa aki na Aruba mes pero door di construccion nan andando a dicidi di haci esaki afo. Den e luna nan di october november y december si nan lo tin diferente competencia nan aki na Aruba.
Next nan lo tin cu enfrenta Boneiro y unda despues aki na Aruba mes Turks and Caicos y Belize lo ta biniendo pa enfrenta e ekipo di Aruba. Di e contrincante nan aki Aruba ta haya nan lo tin mas competencia di Belize cual nan ta mira lo ta nan contrincante mas fuerte y porcierto lo ta nan prome contrincante pa cu e competencia nan aki. Nan ta premira cu si e competencia entre e seleccion di Belize y Aruba bay bon e otro nan tambe lo cana den e mesun caminda.
E seleccion di damas Aruba lo consisti di 20 hungado cual cuatro di nan ta hungadonan di Hulanda, cual no tur por a make it pa e competencia nan aki como nan ta bayendo man den man cu e comienso di e temporada di futbol aya na Hulanda, pero ta premira nan participacion pa reenforsa e ekipo pa e otro competencianan cu lo ta tumando luga den october pa december.
Seleccion di Aruba tin 1 aña bezig cu e preparacionnan di nan seleccion “adulto” di damas cu tin basta participante nan basta jong entre nan, esaki cu e vision pa nan tempo hunto y den e deporte y seleccion di damas aki na Aruba ta uno mas largo.
Asina nos a sa di conoce door di Juf. J.B. tambe nos por a sa di compronde di headcoach mr. V.A., cu e aña aki nan lo focus den “fula e tera” y wak na unda por bin mehoracion pa cu e seleccion di damas aki na Aruba, tambe e la laga di conoce cu e preparacion tabata uno intenso y serio di parti di e seleccion di damas y ta spera cu esaki lo refleha bek den e competencianan. Tur dos ta mira resultadonan positivo so di e competencia nan cu e seleccion di Aruba lo participa den dje.
