Dia 30 di sèptèmber Akademia Popular Errol Scoop, e ala di formashon emansipatorio di
Movementu Kousa Promé ta organisá un anochi kultural di informashon ku antropólogo i
hurista mr. dr. René Rosalia.
Dr. Rosalia lo elaborá riba e sekura grandi ku tin algún aña kaba ta azotando kultura na Kòrsou.
Ora tin sekura grandi den un país, vegetashon ta bai atras, animalnan ta sufri den naturalesa,
kuminda ta skarsa i hende ta seka pèrdè speransa bira malu mientras pobresa ta krese.
Ora tin sekura grandi di kultura ta kiko ta pasa? Kiko por spera di kultura den e miseria aki?
Kultura tambe ta seka bira flaku? Kultura lo seka bira flaku, kai den pobresa ekstremo i kaba na
nada?
E preguntanan aki dr. Rosalia lo trata den e charla titulá “Pobresa kultural grandi di kultura na
Kòrsou”. E lo trata tambe kon mester trata e malesa, aki pa para e sekura eksistente i trese
tempunan floresiente di kultura bèk pa Kòrsou.
E charla ta den kuadro di Siman di Kultura 2024 i ta tuma lugá djaluna dia 30 di sèptèmber na
Sentro di bario Santa Maria di mitar di shete pa nueb’or. For di 6 or tin presentashon di
“Mudizu” i den pousa presentashon di artista trobador Hubert Scherptong ku su kitara. Tur
grupo kultural, artista, kulturista i amante di arte i kultura i pueblo en general ta bon biní.
Entrada ta grátis.
Un pueblo informá ta un pueblo ku defensa.
