Sekretario di estado di Hustisia i Siguridat, Eric van der Burg, ta hiba un bishita di trabou di kuater dia na e parti karibense di Reino. Di 13 te ku 16 di mart e ta bishitá konsekutivamente Aruba, Kòrsou i Boneiru. Den kombersashon ku kolaboradornan i diferente bishita di trabou lo pone e sekretario di estado na altura di e maneho di migrashon, e aserkamentu di trafikashon i kontrabanda di hende i maneho di frontera riba e islanan. Meta di e bishita ta pa keda na altura di e situashon aktual i di e asuntunan di migrashon riba e islanan.
Durante su bishita na Aruba lo diskutí entre otro tokante e posibilidatnan pa promové kolaborashon entre outoridatnan di frontera. Tambe tin kombersashon tokante posibel optimalisashon den e kadena di imigrashon riba programa i lo diskutí tokante e maneho di imigrashon i kontrol di frontera.
E bishita ta sigui na Kòrsou na unda e sekretario di estado lo hiba kombersashon ku kolaboradornan di IND, lo inform’é tokante e maneho di imigrashon i kon ta atendé ku trafikashon i kontrabanda di hende.
Na Boneiru lo pone e sekretario di estado na altura di e régimen di detenshon di estranhero.
Intenshon di Van der Burg tabata pa a bishitá e islanan anteriormente, pero e mester a kibra su biahe pa motibu di salú.
