Seis persona a wordo mata y mas cu dos docena a resulta herida ora cu un pistolero a cuminsa los bala cu un arma hopi poderoso for di un dak di un edificio. Esaki a sosode net después di un parada di 4th of July na Higland Park dialuna mainta, autoridadnan a informa.
Den oranan di merdia autoridadnan a sigui cu e buskeda pa e persona responsabel pero cuatro ora despues di e sucedido e no a wordo deteni ainda, autoridanan di Lake County a informa.
E pistolero a uza un rifle hopi poderoso, Sheriff Covelli a bisa. “E tabata hopi discreto y dificil pa mir’e na unda e tabata scondi.”
El a cataloga e crimen como algo sin patronchi pero intencional y a cataloga e dia como uno “hopi tristo”.
FBI a pidi tur hende cu tin video di e tiroteo of posibel informacion cu e pistolero pa tuma contacto cu nan tiplijn. NorthShore University Health System a informa cu 26 persona a wordo transporta pa Highland Park Hospital y cinco pa Evanston Hospital, di cual e gran mayoria a wordo trata pa heridanan di bala, aunke cu algun a resulta lesiona a causa di e caos cu a surgi den e parada.
Un testigo a bisa cu el a conta mas cu 20 tiro. Miles Zaremski, un residente di Highland Park, a declara na Chicago Sun-Times: “Mi a scucha 20 pa 25 tiro, cu a bini un tras di otro. Pues mi no ta kere cu tabata un handgun of un shotgun.”
Zaremski a bisa cu el a mira “personanan den e area cu a ricibi tiro”, incluyendo un señora cu tabata cubri na sanger …. E no a sobrevivi.” Mientras cu e hendenan tabata huyendo di e area, nan a laga stoel y tur nan materialnan atras en busca di un luga pa nan sconde. Mientras cu e hendenan tabata coriendo, un banda a sigui toca ya cu nan no tabata consciene di e tironan cu a cay.
Comandando di Polis di Highland Park Cmdr. Christ O’Neill a bisa cu nan a haya e rifle cu e sospechoso a uza y cu e personanan aki ta un persona di entre 18 pa 20 aña, color cla y tabatin un Tshirt blauw bisti. Adrienne Drell, ex reportero di Sun-Times, a conta cu e tabata sinta na banda banda di Central Avenue mirando e parada ora cu el a mira miembronan di e banda di Highland Park High School a cuminsa core.
“Bay Sunset,” Drell a bisa cu el a tende e studiantenan ta grita dirigiendo e hendenan direccion di Sunset Foods eybanda.
Un homber a yud’e lanta y a bis’e core bay. “Tabatin panico den henter e pueblo. Tur hende ta asombra di loke cu a pasa.”
Tur cos tabata trankil te ora cu e tironan a cuminsa cay.
Eric Trotter, 37, kende ta biba algun meter for di e sucedido a bisa “mi ta den shock. Con algo asina por pasa den un comunidad asina trankil manera Highland Park.” Den e caos el a core bay un direccion cu su yiu di 5 aña y su pareha a bay e otro direccion cu su yiu di 6 aña. El a logra drenta un hanchi y a sconde su yiu den un bari di sushi y despues a bay busca su pareha, cu el a logra haya sano y salvo. Tur celebracion di 4th of July a wordo cancela di biaha.
