E mundo den espacio ( shelo) ta uno hopi interesante, aunke tin hopi hende ta cuestiona dicon serhumano mester bay den espacio. Segun vice Presidente di Space and Nature Aruba Foundation (SNAF) Jermio Maduro pa bay espacio no ta e problema, pero e tecnologia cu tin cu desaroya pa bay espacio ta e reto, actualmente ta uzando un camara digital y e la keda traha specialmente y specificamente pa bay luna.
Asina tambe e comunidad a keda desaroya y ta uza camara nan digital manera nos tru conoce. Actualmente internacional space station tin un robot cu ta yuda cu e ora no mester manda hende pa bay espacio pa arma cosnan, mester bisa cu e mes un man di robot aki ta wordo uza tambe pa proteze sea cu e persona a perde un man of pia tin un man y un pia cu practicamente ta un extension pa e serhumano cu casi nan no ta sinti cu nan a perde algo di nan curpa.
Segun vice Presidente di Space and Nature Aruba Foundation (SNAF) e tecnologia nan cu ta wordo desaroya hende tin hopi probecho di dje. E berdad ta tambe cu ta hiba hopi satellite ariba y ta stroba e astronomo pero di otro banda e ta keda uza tambe pa mira e mundo bek y ta midi kico tin den aire.
Segun vise Presidente di Space and Nature Aruba Foundation (SNAF) Jermio Maduro actualmente mes tin dificultad cu stof di Sahara cu constantemente ta bin, pero di antemano e personanan por sa na ki momento e stof di Sahara por lanta y proteha nan mes ki momento ta bon pa sali pafo y ki momento no , esaki ta conta specialmente pa esunnan cu tin asma cu por vigila esaki pa nan salud. Tur esaki ta danki na e tecnologia cu tin den shelo actualmente cu ta pone cu por midi tur cos pa no yega di sorpresa.
Pa e temporada di horcan esaki ta conta mes un cos, nos sa cu e horcan ta na caminda y cuanto horcan lo por nace ta debi na e tecnologia cu tin den shelo unda cu por midi e aire y por wak e tempo di pafo y sa con e ruta di e horcan ta encamina. Tur esakinan ta duna hopi informacion valioso cu por hasta scapa bida di hende.
Aunke cu hopi ta kere cu e espacio (shelo ) ta limpi , mas ariba unda cu e satellite nan ta tin hopi satellite nan bieu cu no ta funcionando mas. Esaki ta un problema cu tin den espacio y ya caba a indica cu e chance pa accidente den espacio ta birando grandi y mester busca un manera pa ruim op tur e materialnan bieu for di espacio.
Segun visePresidente di Space and Nature Aruba Foundation (SNAF) Jermio Maduro 50 aña pasa a bay luna y no a bay mas pero tin un plan pa bay bek luna. E idea tras di e pensamento pa bay luna ta debi cu kier yega mars y pa por yega mars ta mas facil pa bay luna y sali di luna pa bay mars enbes di mundo pa bay mars cu tin mas grave.
Tin hopi satellite rond di luna y ta hopi materialnan cu mundo por haci uzo di dje. Tur loke cu nos tin ta uza pa traha tecnologia tin riba luna y pa e motibo aki mes hopi pais rond mundo principalmente e companianan priva ta loco loco pa bay luna y si nan logra yega luna nan por mina e materialnan y haci uzo di nan na mundo.
Mirando cu e prijsnan di tecnologia ta birando hopi mas caro na mundo ta debi cu e materialnan ta cabando. Tin un problema di scarsedad di material cual ta haci cu e prijsnan ta subi. Pa e motibo aki mes e deseo ta pa bay luna prome cu e crisis tecnologico yega tin un plan B unda cu por haya material otro caminda. Pa e motibo aki mes na mundo diferente companianan ta bringando duro pa bay luna, Elon Musk ta un di nan cu ta trahando un raket super grandi pa bay luna pa bin cu un cantidad grandi di material mundo. E berdad ta cu e economia ta bon awor aki pa bay luna y saca e materialnan y trece nan mundo. E manera aki actualmente ta hopi mas facil pa haci enbes di keda mina e materialnan na mundo mes.
