ORANJESTAD,Aruba
Manera ta conoci ministerio di salud a prepara protocolnan pa tur sector. Na momento cu ta suavisa medidnan ta importante pa tur sector ta consiente di e normal nobo y tene cuenta mas cu nunca riba bon hygiena y prevencion.
Durante 3 dia, SVb su team ‘Regreso na Trabao den Normal Nobo’, bao guia di dr. Myron Genser a ofrece un total di 19 sesion di entrenamiento riba e reglanan di e protocol aplicabel pa barberianan y salonnan di beyeza.
A participa un total di 270 profesional di e sector. E sector a mustra un compromiso grandi pa cumpli cu e protocol y percura pa minimalisa e riesgonan di contagio den e sector aki.
SVb a scoge specificamente e sector aki pasobra ta calcula cu mas di 95% di nos poblacion ta yega un momento of otro na e negoshinan aki pa ricibi un servicio di cuido estetico. Pesey ta importante pa e sector ta consciente di e reglanan y contribui na minimalisa riesgo. A haci un apelacion fuerte na e profesionalnan aki pa ta un bon embahador den e normal nobo. Pabien na e sector kende a demostra un etica profesional haltisimo.
Minister Oduber kier a gradici e team di SVb pa tene e tremendo dianan di informacion. Comunidad por ta trankil cu e sector di salon di beyesa ta bon prepara.
