Na un di e oficinanan banda di RBC bank/bushalte na San Nicolas Sigaine Besaril Wever Director of Human Resources, Secrets Baby Beach Aruba ta contento di anuncia cu Secrets Baby Beach Aruba a cuminsa habri su prome portanan na Aruba unda cu a lounge recruitment campaign a tuma luga y a habri porta na nan prome oficina na unda cu tur persona por yega libremente di dialuna pa diabierna y mira tur e vacaturanan cu tin y aplica pa trabou.
Na mes momento a celebra cu Secrets Baby Beach Aruba ta habri cuponan di trabou pa e comunidad di Aruba, principalmente San Nicolas. Hopi biaha na momento cu hotelnan ta habri ta warda na momento cu tin jobfair, sinembargo gerencia di Secrets Baby Beach Aruba kier conecta cu e pueblo di Aruba mas y a dicidi di habri nan propio oficina pa asina e comunidad por yega y conoce e hotel un poco mas di cerca solicita na e trabou desea.
Ta bay tin full e human resources (HR) team presente pa duna bon bini na tur esunnan cu ta acerca pa abo por conoce e producto Secrets Baby Beach Aruba mas di cerca y kico ta loke e hotel ta para pe. E porta nan ta habri y esaki ta bay ta e prome solicitud cu ta bay habri.
Tambe ta bay tin un career fair cu lo tuma luga dia 23 y 24 di augustus cu ta specialmente pa supervisor,managernan y liderasgo. Esaki ta e team cu lo crea y cu lo ta lidernan cu lo cuminsa prome y na momento cu e posicionnan di trabou cuminsa habri ta nos lider nan ta bay train y traha e team membersnan, pesey mes ta hopi importante pa e grupo aki cuminsa prome.
Na e momentonan aki Secrets Baby Beach Aruba tin posicionnan habri cu profesionalnan por subi riba page careers-secretsaruba.com pero tambe tin pagina di facebook, link-in, Instagram Careers at Secrets Aruba. Di e manera aki pueblo di Aruba por sigui cada paso cu Secrets Baby Beach Aruba ta cana y asina poco poco yama bo bini na e opening di e hotel cu lo ta pronto.
Secrets Baby Beach Aruba ta bay tin alrededor di 400 colega pa e prome parti cu ta bay habri mas cu 304 camber, E hotel mes ta bay keda habri den fase nan y pa esaki lo team up e prome grupo cu lo forma parti di e team cu lo habri e hotel . Te na e momentonan aki e proyecto di e hotel ta bay hopi bon y e ta cana segun e plan nan y e proyecto ta planea pa keda cla na december y lo ta habri oficialmente dia prome di Februari 2025.
Tambe riba e nivel internacional tur Tour Operators a ricibi informacion di e hotel caba y cu e hotel ta bay habri pronto. Comercial team na Merca , Latino America lo percura pa mercadia esaki. Secrets Baby Beach Aruba ta parti di e grupo martinon y tambe parti di Hyatt, por bisa cu nan a cuminsa haya diferente preguntanan pa cu Secrets Baby Beach Aruba, esaki sigur ta algo positivo pa Aruba y pa e inversionistanan tambe.
E portanan ta habri pa tur esunnan cu kier solicita sea cu ta traha caba den e industria hotelero of ta desea di cambia di trabou y tin un reto nobo y cu kier haci un diferencia pa pariba di brug, por haci esaki libremente. Pronto Aruba ta yama bon bini na Secrets Baby Beach Aruba
