Imposibel cu Mike Eman no tabata sa net net nada di caso di Benny Sevinger y Avestruz
Secretario General a sigui e caso di Avestruz hopi di cerca y sigur a sigui e acusacionnan cu Fiscal y Ministerio Publico a trece publicamente den corte dilanti Hues. E caso Avestruz di ex minister di AVP esta Benny Sevinger ta e caso di corupcion di mas grandi cu pais Aruba conoce den su historia. Momento a tende Fiscal presenta kico tur e investigacion a saca afor anto tur acusacion cu prueba palpable (harde feiten), como ciudadano di e pais aki bo ta keda hopi desapunta y desfrauda sigur den partido AVP. Con politiconan di AVP por presta nan mes pa “horta” pueblo na un manera tan desformal? Con politiconan di AVP por hinca den nan cabes di lanta un banda criminal di amigonan cerca di partido pa asina un grupito chikito probecha di esaki y haci nan mes miyonario? Berdad cu Mike Eman (best friend di Benny) no tabata sa nada nada? “A otro pero con ese hueso”!
Fiscal dilanti Hues: Benny a haci su amigonan stinkend rijk:
Durante cu fiscalnan a lesa tur locual e investigacion a trece na claridad e fiscal a bisa tambe cu Benny a mal uza su poder y a haci su amigonan stinkend rijk. Fiscal : “Onderzoek Avestrus is een cocktail van het bovenstaande. Een prominent toenmalig minister die vanuit zijn positie zijn vrienden stinkend rijk heeft laten worden. Zonder dat zij hier enige inspanningen voor hoefden te verrichten. Zij hebben alleen een luisterend oor bij minister Sevinger moeten regelen. Zijn hand om een stempel en zijn handtekening te zetten. Wat daarvoor nodig was, was een gulle gift in de broekzak van minister Sevinger. Hiertegenover stond een voorkeursbehandeling die voor niemand anders was weggelegd. Dit alles heeft sommige personen miljoenen opgeleverd. Zonder vaak ook maar een schep aan te raken of een steen te leggen. Avestrus is een verhaal van zeldzame en ongegeneerde zelfverrijking van een kleine groep mensen rondom verdachte Sevinger. Inclusief Sevinger zelf.” A ilustra un cuenta na ORCA Bank na Curaçao di e man drechi di Benny Sevinger esta Susebeek cu un suma di 2.4 miyon florin riba dje cual fiscal a prueba cu esaki a bin di benta di tereno. A presenta otro benta di tereno di ex candidato di AVP Gaby Werleman unda nan a cobra 3.5 miyon US dollar esta 6.5 miyon florin. A trece prueba den corte con Leoncita Arends di Canal 90 tabata haya trato preferencial y tabata lanta N.V. spirito uzando hasta su propio yiu pa despues bende esaki. Leoncita tambe a ricibi 750 mil na ganashi. Fiscal tin declaracion di persona cu a ricibi envelop cu 200 mil florin “contante y sonante” for di man di Leoncita y e persona aki a entrega e envelop pata pata di placa diki manera un big mack den man di Benny. Tin prueba con comerciante a paga 8000 US Dollar pa fiesta di yiu di Benny. Tin prueba con Susebeek a paga 25 mil na Fantastic Garden cu cheque di Pats Development. Prome instante Benny a gaña cu ta e mes a paga esaki cash. Lands Recherche a presenta e prueba cu ta Susebeek a paga pe y Benny a core cambia su declaracion. Tin prueba cu Susebeek a cumpra ekipo di gym na balor di 23 mil pa Benny cual ekipo ta poni den cas di Benny. Tin prueba cu Susebeek a paga 21 mil florin pa Benny su cura di cas. Asina Fiscal a presenta masha hopi prueba den e caso Avestruz. Pregunta cardinal ta keda cu di berdad Mike Eman no sa NADA NADA? Pueblo merece miho. Cu ki cara Mike Eman por pidi pueblo un voto? Nunca pero nunca mas AVP. Loke AVP a haci nunca pero nunca mas mag di ripiti.
