Un hende por gaña awe y gaña majan cu Dios kier, pero ta yega un dia cu e berdad lo sali na cla. Pesey ta bon pa tur mayor siña nan yuinan pa no papia mentira bisa e berdad y biba cu e berdad,
No gaña y tapa cos pa ningun hende, pasobra esey ta haci bo complice den nan maldad.(Poverbionan 12:22 y Poverbionan 25:1).
Tur cos funda riba mentira ta temporal , pasobra tur berdad tin un fundeshi, pero mentira no tin pia pa para riba dje.
Ora bo ta papia e berdad Dios mes ta respaldabo,pasobra Dios ta mira bo curazon y bo seriedad.( 1 Pedro 3 vers 10-11).
Un mucha cu ta papia mentira ningun hende grandi no ta confia e mucha , y un hende grandi cu ta papia mentira ta perde tur amistad.( Salmo 34:13)
Dios kier pa nos papia berdad, pasobra berdad ta bini di Dios y berdad ta haci nos liber ,mentira ta bini di diabel, ora nos ta papia mentira nos ta habri porta pa e diabel domina nos mente y curazon, y como cu diabel no tin misericordia, nos ta perde control y bira mentiroso.
Nos ta mira con mentira ta bira dia pa dia mas fuerte riba mundo y nos no lubida cu Prover 6 ver 17 ta bisa cu Dios ta odia un lenga mentiroso.
Mas ainda cu den Galatas 5 vers 19-22. E palabra di Dios ta bisa cu mentiroso nan lo no hereda e reino di Dios.
Mentira y falsedad ta cana hunto y nan ruman ta desconfiansa, pasobra esey ta locual mentira y falsedad ta crea hunto, un monton di desconfiansa.(Proverbionan 16 vers 28).
Cuanto matrimonio y famia no ta sufri of wordo kibra pa motibo di mentira, tin hende ta haci manera nan no sa kico nan ta papia pero cu mentira ta kibra bida di otro hende.
Si Dios ta bisa cu mentiroso no ta drenta den su reino, esey ta nifica cu mentira ta algo hopi serio pa nos bida, si Dios mes ta odia mentira, orguyo y falsedad, awel a yega tempo pa nos tene cuenta y asina haci tur locual ta posibel pa nos yuinan no cay den e trampa di mentira.
Proverbionan 19 vers 5 ta bisa: Un testigo falso no ta keda sin castigo, y esun cu ta papia mentira no ta scapa.
Laga nos corda cu ningun mentira no ta bini for di berdad 1 Juan 2 vers 21,
Efesios capitulo 4 vers 25 ta bisa : Pesey , poniendo mentira un banda, cada un di boso papia berdad cu su prohimo, pasobra nos ta miembro di otro.
Asina cu mentira drenta un famia, tur sorto di maldad ta presenta,ta manera un virus di destruccion a lanta pasobra nos ta duna diabel oportunidad ( Efesios 4 : 27 ) e enemigo no ta respeta caminda tin mentira, y ora hende ta den mentira nan comunicacion cu Dios ta debilita, te na e momento cu nan confesa, arepenti y aparta di mentira.
Laga nos tur papia berdad cu otro y glorifica nos Tata cu ta den cielo.
