Hopi biaha nos ta tende di renobacion di mente, y tur hende kier cana cu un mente renoba, haciendo e boluntad perfecto di Dios, y no keda pega na e Sistema di e mundo aki.
Ta para scirbi den Romanos capitulo 12 vers 1+2 lo siguiente; Pesey mi ta roga boso rumannan , pa motibo di emisericordianan di Dios,pa presenta boso curpanan como sacrificio bibo y santo, aceptabel pa Dios, cual ta boso sirbishi spiritual di adoracion. No sea conforme e mundo aki , ma sea transforma pa medio di e renobamento di boso mente , pa boso por comproba kico ta e bon y agradabel y perfecto boluntad di Dios.
Tur esaki Pablo ta bisa pa evita cu nos ta pensa mas halto di nos mes , y asina evita cu discriminanacion y arogancia por domina nos curazon.Pasobra e boluntad di Dios ta pa nos stima Dios riba tur cos y nos prohimo manera nos mes.
Pero den Hebreonan Capitulo 10 vers 22 ta para scirbi : Laga nos hala serca cu un curazon Sincero, yen di siguransa di Fe, y cu curasonnan purifica di un mal consenshi y nos curpanan laba cu awa puro.
E mente renoba ta algo profundo y asina nos ta conoce e boluntad di Dios pa nos bida , pero e consenshi purifica ta necesario den tur locual cu nos ta haci.
Un consenshi purifica ta trece paz den famia, y un hende cu un consenshi purifica ta pordona, y no ta biba den pasado di otro, un hende cu un consenshi purifica ta papia bendicion, riba bida di otro.
Si un cabez di cas no purifica su consenshi, ta bira duro pa paz di Dios por reina den e hogar, pasobra ta ey nan ta sinta tur cos, pasobra e como cabes di cas e mester sa di pordona y laga bay, y no mantene ningun miembro di famia preso den su consenshi.
Pesey nos ta bisa cu hopi ta papia di un mente renoba, pero cuanto kier acepta cu nan tin di arepenti, aparta, y aserca Dios pa asina nan curazon y nan consenshi wordo purifica .
Si solamente nos mente wordo renoba, y nos sa e boluntad perfecto di Dios, e ora ey tur nos hecho nan lo mester cambia, y tur maldad lo wordo reemplaza pa e frutanan di Spirito Santo.( Galatas Capitulo 5 vers 22 te cu 26).
No ta bal la pena pa nos hunga grandi, y practica arogancia spiritual ni tampoci orguyo diabolico carnal, pasobra tur e cosnan aki Dios ta rechasa.
Dios kier pa nos cana den caya di humildad, haci husticia, y tene misericordia y esaki Dios ta EXIGI di nos ( Mikeas capitulo 6 vers 8).
Pesey como como yuinan di Dios nos mester lanta nos yuinan cu un standard di moral y respet hopi halto, pa asina caya no cohe poder riba nan, y nos mester splicanan cu como hende nos tin e habilidad cu Dios a duna nos di sinta y papia y regla of mihor bisa reconcilia y pordona otro pasobra esey ta boluntad di Dios.
Esaki ta e regalo di pasco cu no tin lugar pe bao di kerstboom, pero e mester sosode den nos curazon cual mester wordo tranforma, y nos consenshi cu mester wordo purifica