Den e mundo aki cada ken ta dicidi di kere den locual cu e kier, pasobra hende ta rechasa Dios su Palabra y nan no tin temor di Dios.
No adora hende ,pasobra ora hende gañabo , ta bo mes a busca , pasobra hopi hende ta haci otro hende bira Dios den nan bida, y awor nan kier rabia, hende ta priminti pero hopi biaha ta resulta cu pa motibo di circumstancia imprevisto e no por cumpli.
Locual bo ta kere den dje ta domina bo bida, y si bo ta kere den cos cu no ta existi,pronto lo bo sufri di depression y stress poniendo bo estado mental na peliger , pasobra bo a kita bista for di Dios berdadero y pone den hende, of cosnan cu no ta existi.
Ora ta trata di Dios, Dios semper ta cumpli, pasobra esey ta boluntad di Dios pa no permiti pa esnan cu a kere den djE keda bergonsa, pasobra e diabel tey pa bisabo cu Dios a faya cu bo, pesey Dios ta fiel y Dios ta cumpli cu nos .
Den e buki di 1 Juan Capitulo 5 vers 14+15 ta para scirbi: E cosnan aki mi ta scirbi boso, cu ta kere den e nomber di e Yiu di Dios, pa boso sa cu boso tin bida eterno. Esaki ta e confiansa cu nos tin Su dilanti,cu si nos pidi qualquier cos conforme Su boluntad . E ta tende nos, Y si nos sa cu e ta tende nos den tur loke nos pidi nos sa cu nos tin e peticionnan cu nos a pidi di djE.
Dios ta soberano y e ta dicidi e momento cu E ta haci un milager.
Salmo 37 vers 5 ta bisa : Encomenda bo caminda na Senjor, confia den djE y E lo hacie.
Romanos 10 vers 11 ta para scirbi: Pasobra scritura ta bisa ken cu kere den djE lo no keda brongosa.
Esaki ta cosnan cu tur mayor tin cu pasa over pa nan yuinan, pa aumenta nan Fe den nos Señor Hesus Cristo, pa asina evita lagrima, y decepcion den cas.Beibel ta bisa nos cu den ultimo tempo lo tin hopi gañado y ,profeta falso, y falso maestro y hopi cu ta haci bofon di Dios ta cana rond, hende nan sensual cu no tin Spirito Santo, y ta nan ta causa tanto division den famia, nos ta kere cu e mensahe aki lo pone tur hende bira bek na Dios.
Un biaha mas Salmo 25 vers 3 ta recorda nos tur: Di berdad ningun di esnan cu ta spera riba Bo lo keda bergonsa, esnan cu trangresa sin motibo, lo keda brongosa.
Esun cu kere den Señor lo no keda desapunta ( 1 Pedro 2 vers 6)
Juan capitulo 14 vers 12 ta bisa algo grandi pa nos tene cuenta cune y ta aumenta nos Fe: Di berdad di berdad Mi ta bisa boso, esun cu kere den Mi, e obranan cu mi ta haci e tambe lo haci, pasobra Mi ta bay serca e Tata.
E yega e tempo pa nos arepenti y pone tur nos confiansa den Dios todopoderoso y asina evita cu nos ta keda brongosa
