Laga nos canta: Grandi ta bo Fieldad, Oh Dios mi Tata, nunca den Bo por tin cambio hamas , tur Bo
bondad nan na mi ta precioso, pa tur eternidad Bo ta mescos, Grandi ta bo Fieldad 2x ,Bo ta E amigo
mas Fiel cu nan tur, for di Bo man mi ta hanja tur cos, Grandi ta bo Fieldad oh mi Senjor.
Den Filipensenan Capitulo 4 vers 6+7 ta para scirbi : No preocupa pa nada , ma den tur cos pa medio di
oracion y suplika cu gradicimento laga boso peticionnan ta conoci dilanti di Dios. Y e paz di Dios cu ta
surpasa tur comprendemento, lo warda boso curazon y boso mente den Cristo Hesus.
E situacion cu mundo ta pasando den dje no ta facil y ta para scirbi den 2 Timoteo capitulo 3 vers 1 -9 cu
nos ta den tempo trabahoso y cu hende lo cambia , anto ora nos mira e situacion actual nos mester
aumenta nos oracion pasobra nos Dios ta fiel.
Pasobra nos Dios no ta manera hende cu ora nan no kier pordona , nan no ta reconoce, nan fout y ta
keda caprichoso y sera wowo pa berdad.
Hopi biaha hende ta demasiado orguyoso y arogante pa pidi ayudo. Y no keda straño den e tempo cu
nos ta biba aki, di mira hende grandi comporta nan mes manera mucha rebelde, cu no kier reconcilia.
Esaki ta indica pa abo y bo cas para firme y keda fiel na Dios den tur cos y tur momento.(Hebreonan
10:23)
Salmo 119 vers 89+90 ta para scirbi: Pa semper O Señor Bo palabra ta estableci den cielo, Bo fieldad ta
di generacion pa generacion, Bo a establece tera y e ta keda para.
Dios ta fiel di naturalesa , ta e fieldad di Dios ta cuida nos, ta libra nos di tur malo ( Mateo 6 vers13), nos
Dios nunca ta laga nos desampara.
Un hende por silencia otro hende, pero ningun hende no por silencia Dios, Dios ta grandi y poderoso, fiel
y berdadero. ( 2 Timoteo 2 vers 13).
Salmo 143 vers 1 ta para scirbi: Tende mi oracion O Señor scucha mi suplicanan! Contestami den Bo
Fieldad, den Bo Husticia.
Salmo 46 vers 10 ta para scirbi: Sea keto y sabi cu ami ta Dios, lo Mi wordo halsa mey mey di nacionnan,
lo Mi wordo halsa riba tera.
Ta con nos por duda den e Fieldad di Dios? Dios ta nos refugio y Fortaleza, ta serca ken nos lo bay si no
ta serca Dios. Dios ta e unico opcion berdadero cu nos tin.
Dios ta fiel den tur cos Su palabra ta bisa cu esun cu ta fiel den un cos masha chikito, ta fiel tambe den
hopi, y esun cu ta inhusto den un cos masha chikito, lo ta inhusto tambe den hopi.( Lucas 16 vers 10)
Señor conoce esnan cu ta fiel na djE, esnan cu berdaderamente ta busca su cara, y ta respeta su
nomber, cu tin temor di djE, y cu ta para pa Su palabra.
No preocupa , nos Dios ta fiel.