Duda ta algo masha fastioso, y chercha of haci bofon di e Palabra di Dios ta haci e situacion peor, hopi hende kier mira man di Dios move pero nan no ta kere den Dios . esey ta bini door di falta di conocemento di e palabra, pasobra e Palabra di Dios ta bisa den Hosea 4:6 cu e pueblo ta perece pa falta di conocemento.
Hesus a bisa den e buki di Marco capitulo 16 vers 17 cu e señal aki lo sigi esnan cu ta kere cu den su nomber nan lo saca demoño , nan lo papia den lenga nobo,nan lo cohe colebra cu man, si nan bebe cualquier veneno mortal ,esey lo no no haci nan daño , nan lo pone man riba enfermo y nan lo bira bon. Esaki ta scirbi den mesun forma den tur traduccion di beibel.
Dios ta e mesun Dios di ayera , awe y semper, locual e a haci ayera , e por haci awe tambe, y ta esey mester ta e punto principal pa tur Famia. Nos no por kere mitar den palabra di Dios y mitar den bruheria, of meditacion den cosnan cu no ta di Dios, pasobra Dios ta manda nos medita den su Palabra den e buki di Josue Capitulo 1 vers 8, y den ningun otro cos, pasobra meditacion den e palabra di Dios ta trece sabiduria ,sanacion y exito ,tambe ta nifica cu bo kier pa su palabra bo bida.
Awendia tur hende tin liber escogencia den kico nan ta kere, pero un hende mes tin cu nota cu su escogencia no por yude y cu su situacion ta keda mesun, of su ayudo ta temporal.
Mayor un biaha mas nos kier avisa, pidibo y rogabo, pa bo pone Cristo Hesus na prome lugar den bo cas, pa bo yiunan sa y realisa cu ta dificil hiba un bida sin Dios, y sin su Spirito Santo. Mescos cu bo no ta laga bo yiunan drumi sin come, of duna nan un cuminda cu no ta bon, asina ferviente abo como mayor mester ta den sirbi Dios pa asina bo ta un ehempel pa nan.
Pasobra abo como mayor ta e prome ehempel cu nan mester wak cu abo ta sirbi Dios, fielmente, y bo por demostra nan cu testimonio di bo bida con fiel Dios ta.
No ta importa si nan hari, no ta importa si otro hende ta duda, pero haci conoci na tur hende cu bao di bo dak y den bo bida, ta Cristo Hesus ta reina , y lo bo wordo beneficia for di esaki.
Pasobra ta para scirbi cu e señal aki lo compaña esnan cu ta kere. Nos ta bibando den un tempo caminda ciencia kier domina, y hopi hende no kier reconoce e poder di e enemigo cu ta manifesta riba internet y hasta riba Whattsup cu nan ta ricibi.
Hende ta prefera di sigi conseho y opinion di internet en bes di sigi e palabra di Dios, y ora situacion empeora nan ta yama riba e misericordia di Dios.
Hende kier oracion, pero no kier bishita cas di Dios, y nan ta sconde nan berdad di locual cu nan ta pasa den dje door di orguyo y engaño di diabel.
Awor un pregunta cla y raspa, si bo kier confia Dios Tata Todopoderoso cu bo necesidad, y cu bo malesa, of e situacion negativo cu ta reina den bo cas ta ken bo kier confia?.
Beibel ta bisa cu e enemigo lo gaña hopi hende y hasta e fielnan , pesey nos ta haci un yamada riba nos Pueblo pa busca cara di Dios 2 Cron 7:14. Y pidi Dios laga su Spirito Santo guia bo pa asina bo conoce e berdad y e berdad lo haci bo liber. Hesus Cristo ta Rey y Señor di nos bida.