Scirbi Pa Pastor Marcel Balootje. MAYOR HALSA BO ORACION NA DIOS.

E Palabra di Dios ta bisa nos den Mateo capitulo 5 vers 13 : Boso ta e salo di tera , ma si e salo perde
smaak , cu kico lo e wordo haci salu atrobe. E no ta sirbi pa nada mas, sino pa wordo tira afo, pa hende
trapa riba dje.
Nos cu ta yuinan di Dios ta e salo di tera, y e mundo ta e carni, nos mester duna e mundo e Palabra di
Dios,y demostra cu nos testimonio y nos bida cu nos ta sirbi di Dios door di stima otro, pasobra
stimando otro nos ta demostra cu nos ta disipulo di Hesus Cristo.
E influencia di maldad kier penetra tur caminda, den nos cas, den institucionnan , y hasta kier purba
drenta den cas di Dios, pasobra tur caminda cu maldad ta, e kier domina, treciendo enseñansa falso, y
cultura babilonico pa asina seduci y contamina henter e pueblo. (Daniel Capitulo 1)
Ta imposibel biba cu compromiso cu e mundo y laga e standard di Dios para un banda, compromiso cu
mundo ta hiba nos na pica, mientras e cu e standard di Dios ta hiba nos na santidad.
Guia door di Dios cada mayor ta e wardado di su cas , asina e wardado ta mira e enemigo ta bini, e
mester cuida su carnenan, esey ta nifica cu bo oracion mester ta constant den bo cas .
Tur amistad ta bunita pero si un hende kier no kier somete na Dios, y bo a papia cune y e no kier tende,
haci oracion pe, confiando cu Dios por toca su mente y su curazon.
Pero no permiti cu e persona ey ta bin trece su ideanan den bo cas y asina contamina henter bo hogar,
pasobra abo ta responsabel dilanti di Dios pa bo hogar.
Nos tin cu wak bon kico nos ta permiti drenta nos cas, pasobra nos no por biba bao di e sombra cu ta
bisa, ‘’no ta nada’’ ‘’ay ta cos di mucha , of awendia ta tur hende ta haci asina, sabiendo cu e enemigo
a bin pa horta mata y destrui.(Juan 10:10)
Pesey nos conseho ta pa mas pronto cu ta posibel tur hende bira bek pa e caminda di Dios y asina nos
por para fuerte contra tur locual cu a lanta y cu no tin temor di Dios.
Y esaki solamente por wordo logra solamente si cada mayor lanta oracion den su cas, y pidi Dios
misericordia y guia den e temponan dificil aki.
E enemigo kier implementa su cultura babilonico den bida y den hogar di hende, y nos mester ta alerta
pa reprende e actividad aki, y cubri nos hogar cu e sanger di Hesus.
Como mayor bo wowo mester ta habri y un mente alerta pa reprende tur locual no ta den boluntad di
Dios for di bo cas, y no smile y apoya maldad.
Ban bek cas di Dios , ban bek den oracion, ban bek den ayuno, ban busca cara di Dios,2 Cronicas
7:14+15.