Si nos wak e situacion actual nos ta man na cabes, ora nos wak den direccion di Famia, Gobierno, Hubentud, Salud, Finansas etc , nos no ta mira un solucion.
Durante e Covid aki a lanta tur tipo di expert cu scol of sin scol, expert riba internet, terorista den noticia cu ta cos malo so nan ta propaganda, profeta falso, hende nan cumpra pa ganja den nan profesion, dokter falso cu ta duna un noticia, pero no ta bisa su nomber ni localidad .Y asina hopi cos mas.
Pa hopi tempo nos ta bisa cu Cristo Hesus tin e solucion, pero hopi ta busca e solucion y e berdad caminda e no ta, y tur esnan den nos pasado cu a sigi e caminda di Dios, nunca no a busca Dios caminda e no ta. Daniel a demostra rey Dario cual ta e caminda di Dios, Sadrac Mesac, y Abednego a haci mesun cos. Cristo Hesus a mustra nos tur cu kier mira e caminda di berdad y bida.E palabra por zona duro pero tin hopi hende cu no kier mira.
Awor ora ta toca na Mayor y Famia, nos mester sigi hala e atencion riba nos Señor Hesus Cristo pasobra nos no por garantiza otro palabra cu no ta e palabra di Dios cu ta para scirbi, ta dificil hala for di Dios cu tur tin autoridad y bay sconde serca hende cu su palabra ta manera biento , pasobra e palabra di Dios ta bisa cu hende ta manera yerba , cu un momento e tey pero despues e ta seca y caba na nada.Salmo 37 ver 1+2.
Situacion mundial ta demostra cu no tin nada mas sostenibel cu nos por depende 100% di dje cu no ta e Palabra di Dios.
Tin un proverbio ta bisa : Esun cu ta busca conseho lo bira bieuw, pero tur cos ta depende serca ken bo ta busca conseho . Nos recomendacion ta pa tur mayor pa awor mas cu nunca pa lesa nan beibel y busca di Dios.
Nos tin di reconoce cu tur autoridad a wordo duna na Cristo Hesus , y cu den Cristo nos ta mas cu vencedor.
Mateo 28 vers 18 : Hesus a hala serca bisando , tur autoridad a wordo duna na mi den cielo y riba tera.
Colosenses 2;8 -9-10 . Mira pa ningun hende no cohe boso preso door di filosofia,y engaño bano segun tradishon di hende, segun e prinsipio elemental di mundo, y no segun Cristo.
Pasobra den Dje (Cristo) henter e plenitud di e Deidad ta biba corporalmente, y den Dje boso a wordo haci completo. Y e ta e cabes riba tur gobierno y autoridad.
Juan 17:2 Tata e ora a yega , glorifica Bo yiu, pa e Yiu Glorificabo, mescos cu bo a dune e autoridad riba tur carni, Pa E duna bida eterno na tur esnan cu bo a duna E.
Pesey nos kier haci yamada na cada mayor , na cada cas di Famia, pa bo aumenta bo oracion mas cu nunca, mirando kiko ta pasando riba nos isla, crimen tras di crimen , maldad tras di maldad, malicia tras di malicia. No lubida cu Hesus a bisa den Mateo 11 vers 28 bin serca mi tur cu ta cansa y carga y lo mi duna boso sosiego.
Hesus a bisa TUR , esey ta nifica cu si bo no ta conta bo mes a aden , no ta Hesus a lagabo keda afo , pero ta bo mes a neglisha y distancia bo mes for di Dios, pasobra pa abo e cosnan di mundo y su malicia ta mas importante cu e bida eterna cu Cristo Hesus ta ofrece.
Y awe cu bo ta lesa e palabra di Dios no haci bo curazon duro.Arepenti y acepta Cristo Hesus como bo Señor y Salbador. Hesus si ta resposabel pa tur esnan cu kere den dje, y hasta esnan cu no ta kere e ta yuda. Cristo Hesus tin tur autoridad yama riba su nomber, pa bo hogar y bo Famia.
