Scirbi pa Pastor Marcel Balootje : Ban haci oracion, y usa nos autoridad den cristo Hesus
Na tur esnan cu ta kere den Su nomber e a duna autoridad, e autoridad cu bo tin den Cristo Hesus , no ta bini di religion, pero e ta bini di e Fe cu bo tin den Dios.
Diabel no ta spanta pa religion, pero ta e nomber di Cristo Hesus den cual nos ta kere , y na ken nos ta pertenece, ta esey ta haci e diferencia.
A yega tempo pa hopi hende compronde cu ta existi hopi malesa for di un principio Cristo Hesus a demostra na nos cu nan por wordo cura, basta nos kere den Hesus, pasobra nan ta tuma lugar caminda man di hende no por yega, pasobra bo no por opera cerebro di un hende cu tin problema cu salud mental. Pero , e poder di Hesus Cristo si por alcansa su mente y dunele paz y asina e wordo sana di e problema mental cu e ta pasando den dje.
For di principio Hesus a duna su disipelnan autoridad pa saca demoño,(Marco 3:15) pasobra demoño su trabao ta pa cansa mente di hende y asina pone cu nan ta actua negativo, violento y destructivo, y contra esey no tin remedi, nos tur sa cu ta existi calmante sea na pildora of injeccion, pero e sanacion completo ta den man di Senjor.
Awor e autoridad pa reprende satanas y tur su demoñonan ta den man di iglesia, cual ta tur esnan cu ta kere den su nomber y ta biba di acuerdo cu su palabra , pesey Señor ta bisa den Marco 16:17 e señal nan aki lo sigi esnan cu ta kere cu den Mi nomber.
Pesey tur esnan cu tin Cristo Hesus na prome lugar den nan bida, mester drenta ayuno y oracion pa nan wordo yena cu Spirito Santo di Dios, y asina nan tin poder y autoridad pa reprende tur plan satanico y tur tipo di malesa mental cu por ataca nan famia, pasobra oracion tin tur poder riba scuridad.
Pa un hende por haci oracion y kibra yugo diabolico, y enfermedad for riba bida di hende tin un preis cu mester wordo paga, cual ta e bida entrega na Cristo. ( Romanonan 10:9-13)
Tin hopi enfermedad awendia cu ta un negoshi farmaceutico, un hende ta biba un bida completo meymey di pildora y terapia, sin mira ningun speransa di sanacion.
Hende ta asina custumbra na remedi cu hopi no ta kere cu Cristo Hesus tin e solucion pa enfermedad mental cronico manera: depresion, schizofrenia,neurose,psychose, etc. Y cu e sanacion aki por tuma lugar,si e persona por djis entrega su bida na Cristo y kere , pasobra nos ta mira cu dia pa dia tratamento ta bira mas caro, pero sanacion di Dios, ta gratis.
Y pronto nos ta bay mira cu hendenan cu no ta sirbi Dios, pero den un palabra bisa cu ta rechasa Su palabra bisa cu nan tin solucion , asina bira parti di e negoshi cu bida di hende, treciendo alternativa diabolico, cu ta hiba hende atras totalmente y aleha for di Dios.
Pero un biaha mas nos kier remarca cu Hesus a bisa cu señal aki lo sigi esnan cu ta kere cu den Mi nomber nan lo saca demoño y cura enfermedad.
Jeremias 32:27 ta bisa; Mira ami ta Señor e Dios di tur carni, acaso tin algo cu ta mucho dificil pa mi.
Ta tempa pa kere den Dios,haci oracion y tuma nos autoridad den nomber di Cristo Hesus.
