SocialLocal

Salbacion ta regalo di dios, pa tur esnan cu acepta Cristo Hesus

Nos Fe Confiansa Y Salbacion Ta Solamente Den Cristo Hesus

Pasobra pa medio di gracia boso a wordo salba, pa medio di Fe, y esey no di boso mes, e ta e don di
Dios. No como resultado di obranan, pa ni un hende no gaba.
Si nos wak bon con e sistema di mundo ta move, nos ta mira cu hende ta rechasando Dios cada dia
mas y mas y hasta tin ta kere cu nan tin derechi pa haci esey.
Mundo ta establece ley pa mantene hende den pica, den un manera crioyo bisa mundo kier legalisa
pica, maldad, inmoralidad,pa asina e scuridad diabolico crece dia tras dia tras, pero e lus di Dios ta
penetra door di dje , pasobra Dios ta lus y den dj’E no tin nada, nada di scuridad.
Ta berdad manera ta para scirbi, cu diabel ta haci hende ciego, y nan no kier mira, nan ta cambia
berdad pa mentira, y tampoco ta haña necesario pa kere y reconoce Cristo Hesus como Señor y
Salbador.
A bira masha facil pa yama locual ta malo bon y locual ta bon malo.
Mentira a subi di un nivel asina halto cu hasta esnan cu ta kere cu nan ta sabi cu inteligencia mundano
ta wordo engaña y nan a acepta mentira como berdad.
Pero Dios den su inmenso amor ta bisa lo siguiente: Kende ta desea pa tur hende wordo salba y yega
na conocemento di e berdad.
Hende mes ta scohe si nan ta sirbi Dios of nan ta sirbi scuridad, e presencia di scuridad den bida di
hende ta manifesta cu tur deseonan carnal, y cu orguyo na prome lugar, rabia, odio, perversidad y
abominacion.
Dios a duna su unico Yiu pa ken cu kere den dj’E no bay perdi pa ricibi bida eterna . Bida eterna ta un
regalo di Dios. Pasobra e preis a wordo paga door di Cristo Hesus na e crus riba Golgota.
Tur cos riba e mundo aki ta temporal, y si nos wak bon esey ta locual hende su bista ta riba dje, y hopi
ta kita nan bista for di loke ta eterno, pa deposita nan riba locual no tin salbacion den dje.
Ta solamente den Cristo Hesus tin salbacion, pasobra Dios tabata sa cu e avanse di maldad riba e
mundo aki lo bira insoportabel, pesey e a manda Cristo Hesus pa redimi nos for di pica.
Pasobra ken cu kere den Cristo Hesus lo no keda brongosa.Pasobra cu curason hende ta kere pa haña
husticia y cu boca e ta confesa pa haña salbacion.
Aki nan ta sali e gran berdad, ta ora un hende ta grandi y cu comprondemento e por kere , acepta y
reconoce Cristo Hesus como su Señor y Salbador.
Ningun mucha chikito cu a caba di nace no por haci esaki, y ningun hende por hacie pe.
Salbacion ta personal, pesey na chikito nos ta dedica un baby na Señor y nos tin e deber pa segun e ta
crece guie den caminda di Señor pa yega e momento cu e ta tuma e decision pa entrega su bida na

Hesus Cristo.
Hesus a bisa, Ami ta e caminda, e berdad, y e bida, ningun hende no ta bin serca e Tata , sino pa medio
di Mi.( Juan 14:6).
Di berdad, di berdad Mi ta bisa boso, esun cu kere tin bida eterno.
Ta un momento hopi serio pa kada ken scohe pa nan mes, sea keda haci wega cu pica y maldad of
arepenti, aparta di pica y entrega nan bida na Cristo Hesus.
Sinceramente, Pastor Marcel Balootje.

Related posts

Lo elimina Burocracia “Red Tape” den Infrastructura

EA News Author

Super 2020 Beach Bowl Bash na Hilton Aruba Caribbean Resort & Casino

EA News Author

Minister di Finansa ta informa: Cuenta anual di pais Aruba di aña 2019 a wordo entrega na controlaria general

EA News Author

Leave a Comment

Whatsapp Message