Laga nos cuminsa pa bisa cu ningun hende no ta gusta perde. Semper tur participante sea den
deporte of otro competencianan di e.o. baile, skirbi poema of ariba otro tereno, si, tambe riba
tereno politico ta train duro, ta traha duro pa sali ganador maximo. E Poeta den mi ta hopi keto
awe, pasobra, e sa, cu si no tawata pa algun persona den e partido geel cu a comporta na un
manera un crenchi complica, awe lo nos tin nos bunita Prome Ministro Evelyn ainda na cabes di
nos gobierno cu mas bon trabao. Tin biaha ta tuma seriedad, diciplina y fieldad di un team. Lady
Ruth ta wak tur e partidonan politico como ganador di mas experiencia riba nan terenonan di a
informa pueblo di nan programanan etc. Berdad, algun cu no a saca ningun asiento no por traha
pa Aruba den parlamento, pero si como bon hende, como bon profesionalnan cu ayudo y apoyo
di nos gobierno. Nos ta stima boso tur, nos ta aprecia boso dedicacion di curason ! Ta hopi laf cu
tin un di e medionan den comunicacion cu a y of ta sigui cherche di nos autoridadnan saliente y
awor ta desea di tin entrevista cu nan. Nan tin curashi of nan no ta serio den nan trabao como
periodista ? Lady Ruth a wak un pic di ministro di finanzas y cultura saliente Xiomara cu lipnan
diki diki, pakico ? Pa cherche y bofona di nos hende muhenan,lubida cu nan tambe tin pareha,
segun nos a comprende, kemen, locual bo ta sembra bo ta cosecha y tambe e dicho na hulandes “
Wat je zegt ben je zelf”. Nos hende muhenan di Aruba ta bunita y bendiciona cu talentonan y tin
profesionalnan cu ta mas studia cu varios hende homber. Si, e biaha ki e Poeta Lady Ruth a sigui
su curason manera semper e ta hasi, y e biaha ki su curason a dirigiele pa a vota pa Evelyn,
locual nos a hasi tambe cu amor pa un hende muhe bunita paden y pafor cu tawata manera un
mama pa nos tur den tempo bon y tempo malo. Ki dushi tawata nos ministro di cultura presente
tur caminda cu su bunita speech. Un dushi y bunita alma ! Danki lieve Xiomara ! Semper tin
cosnan cu por bay mihor y nos ta dilanti cambionan atrobe, ban spera cu ta pa mihor. Lady Ruth
tambe sa, cu tur cu a sinta den gobierno a traha y tur a hasi fout tambe, pasobra ningun ta
perfecto. Esnan cu lo sinta awor tambe lo traha y hasi fout. Ta conosi cu tur cu ta drenta gobierno
ta sinja ganja y of ta sigui ganja un crenchi mas. Nos tur ta madura dia pa dia y nos ta crese den
nos fe y den nos maneranan di respeta y trata otro. Nos ta desea e partidonan cu lo hanya e
oportunidad di goberna hunto hasi esaki den seriedad y cu amor na bienestar di pueblo, pa nos no
tin cu bay eleccion aki dos anja enves di aki 4 anja. No laga hamber pa poder y hamber pa plaka
stroba bo paz y bo consenshi. Momentonan pa basha awa den binja lo presenta. Sea un sirbidor
di pueblo humilde y dedica. Dios sa ki tempo nos lo bolbe conose un Prome Ministro Dama di e
kaliber aki cu nos tawatatin. Danki lieve Evelyn pa tur bon trabao hasi pa Aruba. Shonnan
politico, please ban wak padilanti y no sigui coba den shirshiri di tur cu a pifia den pasado. Cu
bon Dios sigui drama su bendicion ariba cada un di nos, nos famianan y ariba Aruba completo.
Cada un di nos tin un mision den bida. Sea gradicido pa e ser bunita cu bo tambe ta y pa tin salud
cu un dak ariba bo cabes y cuminda ariba mesa. Aruba, ban reza pa nos autoridadnan, nos
gobernantenan saliente y esnan cu lo drenta dentro di poco.
Ban traha hunto, cu nos bista fiha ariba Creador di Universo. Pascu ta nos dilanti y despues un
otro anja. Sea un bon ehempel pa bo mes y pa tur rond di bo. Stima bo mes pa por stima un otro.
No hasi na otro locual bo no kier otro hasi cu bo. Danki pa lesa nos relato. Un “bearhug” di
Ruthy “Lady Ruth” Vrieswijk-Bergen.
