Oefffffffff ! E siman trai lomba si tawata un siman cu varios dianan druk pa Lady Ruth.! Pero duuuuushi si ! Nos ta gradici nos bon Dios pa salud pa por stuur y sali bay paki paya keiro un crenchi of hasi deligencianan agradabel. Nos a hiba un blusa y varios bandjienan di cabei drecha serca bunita amiga Marlene y tambe a hiba algun camisa pa strika na Aruba Laundry . Nos a bishita Fantastic Gardens, keiro relaha y inspira den nan hardinnan grandi, berde dorna di tur sorto di flor bunita di hopi color. Nos a sinta bebe un glas di awa di lamoenchi y come un “pudding cu lange vingers” masha dushi mes den nan koffiehoekje “Bloom” cu excelente servicio. A probecha di e oportunidad di a laga saca mil y un potret di Lady Ruth den hardin y sinta na mesa. Despues nos a bay Diaz Shoe Repair Aruba den Ponton, scoge algun veters di colornan vibrante neon cu lieve mooie Naomy lo bay vlecht pa nos pone den cabey. Djey nos a bay den entrevista na radio Hit 94 cu The Anchorman Johnny Habibe pa mas o menos 20 minuut cu preguntanan e.o. con nos a cuminsa skirbi poema, unda a yega di traha y gana experiencia y di Ruthy su hobbienan, clausurando cu Ruthy su mensahe pa nos grandinan y pa nos hubentud. Despues bek pa Diaz Shoe Repair pick up e veternan. ( Prome cu a bay Hit 94 nos a bishita Win Tun tambe pa algun adorno di kerstboom, pero no a hanja locual ta busca.). Despues di Hit 94 nos a drop in na nos Coffee House favorito pa bebe un dushi Caramel coffee frappuccino bon friuw. Bay cas, chill un rato den kamber scuchando Alexa, traha algun crackers cu tuna fish y despues hiba dos poema pa nos amigonan di GFM Galactica den curason di mi dushi bario Dakota durante nan dushi programa Memories. Nos a inspira e poemanan durante nan Marathon celebrando nan di 33 aniversario den aire cu Oldies. Mas despues nos lo relata un crenchi di esey. Awor Lady Ruth ta desea di comparti e anochi di Poesia cu a tuma lugar riba Diaranzon den e siman ey. E biaha aki “Poetry Night” tawata den Scratch Kitchen den Palm Beach Plaza Mall. Un anochi fabuloso atrobe cu super dushi ambiente di poemanan cu e tema Amabilidad, Carinjo, Kindness. Un dushi sorpresa di e grupo Ban Serio di ATA (Aruba Tourism Authority ) cu a invita e poetanan pa expresa kiko ta amabilidad pa nan riba dia mundial di Amabilidad. Ta bon pa nos concientiza nos mes di e tema bunita y importante aki den nos bida diario. Nan a regala tur presente un dushi cupcake y cookie cu nan logo di “Ban serio”. Basha Foundation y Maria Silva Hart ta gradici tur poeta pa nan participacion henter anja y ta spera di wak tur atrobe otro anja Dios mediante, ya cu esaki tawata e ultimo Nochi di Poesia pa 2024. Nos a canta Happy Birthday pa Sra. Carlotta Mohamed, e bunita sra.esposa di e poeta Walter Mohamed, kende ta cumpli 50 anja di edad pa su mayan. Basha Foundation ta gradici tambe e siguiente instancianan cu ta hasi e Nochinan di Poesia posibel : Vibration PR, Setar, ATA ( Aruba Tourism Authority), Bsure CMB, Cultuurfonds Caribisch Gebied ( Prins Bernhard Cultuurfonds) y Scratch Kitchen. Ta gradici tambe Ruthy Vrieswijk Bergen “Lady Ruth” pa su relatonan di Poetry Night regularmente y asina comparti cu pueblo. Y e poetanan ta gradici Basha Foundation pa organisa e Nochinan di Poesia den e diferente lugarnan riba nos isla. Cada un of dos luna a tene e Anochinan bunita aki, di expression di sintimento y emocion y canto cu guitarra of keyboard di artistanan cu ta habri nan curason dilanti coleganan poeta y e publico presente. Un danki special tambe na Mr. Leo Phillips pa fungi como MC segun su curason ilumina cu tokenan bunita, apoyando tur e poeta artistanan. Cada biaha ta bin mas poeta aserca cu nan poemanan y ta hasi nan debut den e anochinan tremendo positivo inspirativo aki.
Algun di e poetanan presente tawata e.o.: John Freddy Montoya, Jen, Tasho, Maria, Lady Ruth, Walter, y Ivy Goeloe Peterson cu a debuta cu su poemanan bunita y profundo den Poetry Night e anochi aki. E super strea poeta Yakari tawata tey, pero no a recita e anochi aki, pero nos tawata contento di por a salud’e. Danki amiga Verna pa a companja Lady Ruth na e bunita anochi aki, cu fingi fingi di awasero, pone nos tur move di pafor bay paden di Scratch Kitchen, un lugar habri hopi espacioso cu bon servicio. E prijsnan ainda ta prijsnan pa turista, segun nos a comprende nan tin pensa di ahusta na prijsnan pa localnan tambe. Un persona cu ta bishita Nochi di poesia regularmente tambe tawata tey, Beautiful Rona Coster di su columna Bati bleki. Mi dushi hendenan fiel lector di nos relato semanal, masha danki pa boso atencion di curason. Nos a ricibi hopi bon comentario pa cu nos relato di siman pasa. Nos ta sigui hasi nos best, aunke no ta tur hende ta comprende e mission di Lady Ruth e Poeta di Aruba, nos ta contento cu tur critica constructivo cu por inspira nos un crenchi mas, tambe den nos vocabulario nos dushi papiamento.
Y corda ban poco poco ariba caminda den e trafico pisa cu tin, miho yega laat cu nunca yega.
P.S. Nos a bebe 3 koffie e Diahuebs ey, un na Diaz Shoe Repair, un na Coffee House y un na Radio Galactica. Danki Naomy, danki Betty y danki Rowald pa a traha e dushi koffienan pa Lady Ruth. Pesey awor cu tin 12 or mei anochi, mi wowonan ta blink lombra hancho habri, hahahahahah !
Nos ta relaha cu e dushi musica di Pascu toca pa Alexa y pega sonjo duuuushi asina !!!!
Un”bearhug” pa boso tur !
