Nos ta den e luna di December. Poco poco, un otro anja ta anunciando su final. E anja 2021 cu tambe tawata uno bastante dificil cu tur su ups and downsnan di covid-19 y otro virusnan. Esaki lo ta Lady Ruth su ultimo relato pa anja 2021, sperando cu nos Creador lo permiti nos un anja nobo 2022 colma di salud atrobe y tempo , energia y inspiracion pa nos continua skirbi nos relatonan cu cooperacion fantastico di nos prestigioso corantnan local. . Semper den e ultimo dos simannan di anja tur hende tin hopi cos di hasi, un temporada hopi druk y nos tambe tin e deseo di tin tur cos bon y bunita prepara pa e fiestanan pa cu fin di anja. Pa nos, Pascu ta tur dia den nos curason. Pero claro ta gusta cu tin e dia special pa celebr’e den y cu famia. Nos balans ta hopi bunita , apesar di e covid-19 cu a dal nos tambe bastante duro. Dios ta bon, Dios semper ta bon. Nos a recupera y ta sigui accepta cada dia como un precioso regalo. Nos ta sigui duna Dios danki pa salud, gracia, misericordia, paz, amor, alegria y sabiduria. Tur cos bon ta bini di Dios. Y mayoria di nos sa y ta accpeta cu Tristeza ta sigui bay man den man cu Alegria ! Tin famianan cu mester a despedi di un of mas ser stima den 2021. Otronan a hanja e precioso regalo di un baby cu a nace. Otronan cu a drenta e boto matrimonial y of hanja un trabao . Bida ta continua. E mundo ta sigui lora . Solo ta sigui sali pa nos tur cu su claridad y calor.
Na hopi lugar di mundo, cayanan ta dorna cu adornonan di Pascu y lusnan blanco of lusnan di tur color. Asina mes cu nan tin nan reglanan y restriccionnan pa cu covid-19, lugarnan cu ta sera mas tempran etc. Hendenan ta sigui traha ajaka, bolo, shop cumpra regalo pa otro, asina mes cu e regalonan di mas precioso nos tur tin caba. Nos tin bida, salud, amor etc. tur e cosnan cu placa no por cumpra. Nos mester ta agradecido, hopi agradecido ken nos ta y kiko tur nos tin caba. Nos cas, nos hogar, un cama pa drumi, cuminda riba mesa, panja pa bisti etc. E tradition pa bisti panja nobo tur Pascu y Anja Nobo no tin hopi balor mas, compara cu bo experiencianan y lesnan cu b’a pasa den den e anja aki, cu a hasi’bo un mihor hende. E kerstboom den cas lo pone nos curason sinti mas y mas pa nos grandinan, nos esposo, nos yiunnan y nos nieta y nietonan. Nos niun no sa kico 2022 tin den su scochi warda pa nos, pero tin cu sigui tin fe cu Dios tin tur cos den su man y sigui kere cu tin mas bon cu malo. Creyentenan por sigui reza pa nos gobierno , nos autoridadnan, pa nan no abusa di nan poder. Y pa nos dushi isla pais Aruba, su hendenan y esnan cu ta bishitando nos. Pa nos trabao, nos hogar, nos famianan y pa nos mes naturalmente. Oracion ta e yabi clave pa felicidad diario cu nos balans den nos paz mental, emocional y spiritual den un curpa fisico den bon salud. Pruebanan lo sigui presenta, obstaculonan pa nos surpasa , lesnan pa nos sigui sinja di nan. Lo no ta facil tur dia, pero nos por pidi Dios guia nos tur, Dia pa dia, ‘One day at a time’ cu su amor cu nunca ta caba .Ban reflexiona e Pascu aki atrobe riba e amor infinito ey, pa e companja nos tur tambe den 2022.
For di awe caba, mi dushi hendenan, un Bon Pascu y un Bon 2022. Stay safe , love you too !
Dios mediante nos lo topa atrobe den careda di Januari di anja nobo 2022 atraves di nos relatonan cu nos ta skirbi cu hopi amor y carino. Be healthy, happy, humble and blessed !
Den nomber di famia Johan y Ruthy Vrieswijk-Bergen : Bon Pascu y felis y prospero 2022 .
Cu nos deseonan pa 2022 ta agradabel den bista di Dios. Dios ta bon. Dios semper ta bon.
